Dinamalar

பிளாஷ்பேக் : ஹிட்லராக நடித்த சிவாஜி

வரலாற்று புகழ் மிக்க மனிதர்களாக தங்களை உருவகப்படுத்திக் கொண்டு வாழ்கிறவர்கள் தனி ரகம். மனிதர்களில் இவர்கள் வித்தியாசமானவர்கள். குறிப்பாக இன்னமும் எம்ஜிஆர் போன்று தொப்பி, கண்ணாடி அணிந்து கொண்டும் வாழும் நபர்களை பார்க்க முடியும், 80களின் இளைஞர்களில் சிலர் ரஜினியாக தங்களை உருவகப்படுத்திக் கொண்டு வாழ்ந்தார்கள். இப்படியான கேரக்டர்கள் சினிமாவில் மிக அரிதாகவே காட்டப்பட்டிருக்கிறது.

'புன்னகை மன்னன்' படத்தில் கமல்ஹாசன் சார்லி சாப்ளினாக தன்னை உருவகப்படுத்திக் கொண்ட ஒரு கேரக்டரில் நடித்தார். அதேபோன்று சிவாஜி நடித்த படம் 'ஹிட்லர் உமாநாத்'. ஹிட்லராக தன்னை உருவகப்படுத்திக் கொள்ளும் மனிதர். அவர் போலவே மீசை வைத்துக் கொண்டு, அவரைப்போலவே நடந்து, பேசி கண்டிப்பான குடும்பத்தலைவராக இருக்கிறார். அப்படிப்பட்டவருக்கு ஹிட்லரின் உண்மையான முகம் தெரியவரும்போது என்ன ஆகிறார் என்பதுதான் ஹிட்லர் உமாநாத்தின் கதை.

இந்த கதையை இயக்குனர் மகேந்திரன் எழுதியிருந்தார். பி.மாதவன் இயக்கி இருந்தார். சிவாஜியுடன் கே.ஆர்.விஜயா, சத்யராஜ், சுருளிராஜன், சாதனா உள்ளிட்ட பலர் நடித்திருந்தார்கள். எம்.எஸ்.விஸ்வநாதன் இசை அமைத்திருந்தார். படத்தில் சிவாஜியின் நடிப்பு பாராட்டப்பட்டாலும் படம் உரிய வரவேற்பை பெறவில்லை.

• 
  வசூல் கொட்டுது... : 10 நாளில் ரூ.552.70 கோடியை குவித்த ‛துரந்தர்'
• 
  நான் அழுதால் நீங்கள் சிரிப்பீர்கள் ; சல்மான்கான் வெளிப்படை பேச்சு
• 
  தெலுங்கில் டப் செய்யப்படும் ரன்வீர் சிங்கின் 'துரந்தர்'
• 
  16 வயதுக்கு கீழ் உள்ளவர்களுக்கு தடை செய்ய வேண்டும் : சோனு சூட்
• 
  விவாகரத்து வதந்தி : கடும் கோபத்தை வெளிப்படுத்திய அபிஷேக் பச்சன்

• 
  ஹனி ரோஸின் ‛ரேச்சல்' படம் ரிலீஸ் ஒத்திவைப்பு
• 
  புத்தாண்டு தினத்தில் அஜித் 64வது பட அறிவிப்பு வெளியாகிறதா?
• 
  கருப்பு படத்தின் சாட்டிலைட் உரிமையை வாங்கிய ஜீ தமிழ் சேனல்
• 
  மதுப்பழக்கம் துவங்கியது புகுந்த வீட்டில் தான்; நடிகை ஊர்வசி
• 
  எம்ஜிஆர் நினைவுநாளில் 'வா வாத்தியார்' வருகிறார்…???