Dinamalar

விடாமுயற்சி படத்திற்கு ஒரு நாள் மட்டும் சிறப்பு காட்சிக்கு அனுமதி

மகிழ்திருமேனி இயக்கத்தில் அஜித், திரிஷா, அர்ஜுன், ரெஜினா, ஆரவ் உள்ளிட்டோர் நடித்துள்ள படம் ‛விடாமுயற்சி'. ஆக் ஷன் கலந்த அதிரடி படமாக உருவாகி உள்ளது. அனிருத் இசையமைத்துள்ளார். இந்தபடம் உலகம் முழுக்க நாளை(பிப்., 6) வெளியாகிறது. இந்த படத்தின் தமிழக வெளியீட்டு உரிமையை ரெட் ஜெயன்ட் நிறுவனம் பெற்றுள்ளது.

பொதுவாக முன்னணி நடிகர்கள் படங்கள் வெளியாகும் போது சிறப்பு காட்சிகள் நடத்த தமிழக அரசு அனுமதி வழங்கி வருகிறது. குறிப்பாக ‛துணிவு' படத்திற்கு முன்பு வரை அதிகாலை காட்சிகள் எல்லாம் நடந்தன. ஆனால் அந்த படத்தின் சிறப்பு காட்சியில் ரசிகர் ஒருவர் உயிரிழந்ததால் அதிகாலை காட்சி ரத்தானது.

இதனால் தமிழகத்தில் காலை 9 மணிக்கு தான் முதல்காட்சி திரையிடப்பட்டு வருகிறது. இந்நிலையில் விடாமுயற்சி படத்திற்கு படம் வெளியாகும் நாளை ஒருநாள் மட்டும் 5 காட்சிகள் திரையிட தமிழக அரசு அனுமதி வழங்கி உள்ளது. அதன்படி காலை 9 மணி முதல் நள்ளிரவு 2 மணி வரை இந்த காட்சிகளை நடத்திக் கொள்ளலாம் என தெரிவிக்கப்பட்டுள்ளது.

விடாமுயற்சி படம் தமிழகத்தில் மட்டும் சுமார் 900 முதல் 1000 தியேட்டர்களில் வெளியாகும் என தெரிகிறது.

• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?
• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...
• 
  கல்கி 2898 ஏடி ஓராண்டு நிறைவு : அமிதாப்பச்சன் வெளியிட்ட பதிவு

• 
  ராமாயணா டைட்டில் வீடியோ 9 நகரங்களில் வெளியாகிறது
• 
  நிவின் பாலி ஜோடியாக ப்ரீத்தி முகுந்தன்
• 
  'எம்ஜிஆரின் பரிசுத்த நினைப்பே படத்தின் தலைப்பு'... “திருடாதே”
• 
  தெலுங்கில் லாபக் கணக்கை ஆரம்பித்த 'குபேரா'
• 
  சிம்பு - வெற்றிமாறன் படத்தின் அடுத்த அப்டேட் ?