Dinamalar

பரோஸ் தான் என் முதலும் கடைசியும் ; மோகன்லால் அறிவிப்பு

மலையாள திரையுலகின் முன்னணி நடிகரான மோகன்லால், தற்போது பரோஸ் என்கிற படத்தின் மூலம் இயக்குனராகவும் மாறியுள்ளார். தற்போது வரை பிஸியான நடிகராக நடித்து வந்தாலும் அவருக்குள் இருக்கும் டைரக்சன் ஆசை இப்படி ஒரு படத்தை இயக்கத் தூண்டியது. படமும் நாளை (டிச-25) ரிலீஸ் ஆக இருக்கிறது. வாஸ்கோடகாமா இந்தியாவிற்கு வந்து சென்ற வரலாற்று பின்னணியில் இந்த படத்தை 3டியில் உருவாக்கியுள்ளார் மோகன்லால்.

அதேசமயம் பரோஸ் திரைப்படம் தான், தான் இயக்கும் முதலும் கடைசியுமான திரைப்படம் என்றும் இனி அடுத்த படம் இயக்கப் போவதில்லை என்றும் சமீபத்திய பேட்டி ஒன்றில் திட்டவட்டமாக கூறியுள்ளார் மோகன்லால். மேலும் இப்படி முதல் படத்தையே 3டியில் இயக்க வேண்டும் என தோன்றியது எதனால் என்கிற ஆச்சரியமான காரணத்தையும் அவர் கூறியுள்ளார்.

“பொதுவாகவே படங்கள் 3டியில் வெளியாகும் போது பார்வையாளர்களுக்கு என அதற்கேற்ற 3டி கண்ணாடி வழங்கப்படும். ஆனால் பெரும்பாலானவர்களுக்கு இப்படி கண்ணாடி அணிந்து கொண்டு பார்க்கும் போது கூட காட்சிகள் தெளிவில்லாமல் தெரிவதும், பலருக்கு தலைவலி ஏற்படுவதும் வாடிக்கையாக இருந்து தான் வருகிறது. இப்படி கண்ணாடி அணியாமலேயே பார்க்கும் விதமாக ஒரு 3டி படத்தை ஏன் உருவாக்க முடியாது என்கிற எண்ணம் எனக்குள் தோன்றியது.

இது போன்ற சவாலான முயற்சிகளை மேற்கொள்வது எனக்கு பிடிக்கும். அதனைத் தொடர்ந்து நான் எடுத்த முயற்சிகளின் பலன் தான் இப்போது பரோஸ் திரைப்படமாக உருவாகியுள்ளது. இந்த படத்தை 3டி கண்ணாடி அணியாமலேயே பார்க்க முடியும். அதே சமயம் 3டி படம் பார்த்த அந்த முழுமையான அனுபவம் கிடைக்கும். அதற்கான தொழில்நுட்பம் இதில் பயன்படுத்தப்பட்டுள்ளது” என்று கூறியுள்ளார் மோகன்லால்.

• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்
• 
  காதலில் கரைபவர் வெகு சிலரே : தனுஷின் ‛தேரே இஷ்க் மே' டீசர் வெளியீடு
• 
  அக்டோபர் 9ம் தேதி ஓடிடியில் வெளியாகும் வார்-2!
• 
  பாலிவுட்டில் அறிமுகமாகும் மீனாட்சி சவுத்ரி
• 
  ஹிந்தி பிக்பாஸ் சீசன் 19 நிகழ்ச்சியின் மீது 2 கோடி நஷ்ட ஈடு கேட்டு வழக்கு

• 
  தமிழ் புத்தாண்டு தினத்தில் சூர்யாவுடன் மோதும் விஷால்!
• 
  என் படங்களுக்காக ரசிகர்களை எதிர்ப்பார்ப்புடன் காத்திருக்க வைப்பேன்! - ...
• 
  விளையாட்டால் நிகழும் பிரச்னையே ‛கேம்' : சொல்கிறார் ஷ்ரத்தா ஸ்ரீநாத்
• 
  ஜீவாவின் 'தலைவர் தம்பி தலைமையில்' படத்தின் பர்ஸ்ட் லுக் போஸ்டர் ...
• 
  கமல் பிறந்தநாள் : ரீ-ரிலீஸாகும் ‛நாயகன்'