பிளாஷ்பேக்: சிகரெட் புகைத்த நாயகி

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

09 டிச, 2024 - 12:38 IST

எழுத்தின் அளவு:

இந்த தலைமுறைக்கு தெரிந்த ஆக்ஷன் ஹீரோயின் விஜயசாந்தி. அவர் 1980களில் இருந்தார். இப்போது எல்லா ஹீரோயின்களுமே ஆக்ஷன் ஹீரோயின்கள்தான். விஜயசாந்திக்கு முன்னர் சி.ஐ.டி சகுந்தலா போன்ற ஒரு சிலர் ஆக்ஷன் ஹீரோயின்களாக இருந்தனர். அனைவருக்கும் முன்னோடி கே.டி.ருக்மணி

1939ம் ஆண்டு 'வீர ரமணி' என்கிற ஒரு சினிமா போஸ்டர் தமிழகம் முழுவதும் ஒட்டப்பட்டது. அதை பார்த்து அன்றைக்கு தமிழகமே அதிர்ச்சி அடைந்தது. அதற்கு காரணம் அந்த போஸ்டரில் கே.டி.ருக்மணி ஸ்டைலாக உடை அணிந்து சிகரெட் புகைத்துக் கொண்டிருந்தார். வீர ரமணியை இயக்கியவர் அப்போதைய பாலிவுட் ஆக்ஷன் பட இயக்குனர் அமர்நாத். இந்த படத்தில் பி.எஸ். ஸ்ரீனிவாசராவ் ஹீரோ. இவர்களுடன் பத்மா என்ற கன்னட நடிகை, டி.வி.சாமி, கே.மணி உள்ளிட்ட பலர் நடித்திருந்தனர்.

கதைப்படி சாந்தா (ருக்மணி), மூர்த்தியை (ஸ்ரீனிவாசராவ்) காதலிப்பார். ஆனால் அவரோ மீனாட்சியை (பத்மா) காதலிப்பார். இந்த நிலையில் வில்லன் டி.வி. சாமி செய்யாத குற்றத்திற்காக மூர்த்தியை சிறைக்கு அனுப்புவார். சிறையில் இருந்து வெளியில் வரும் மூர்த்தி வில்லனாக மாறி அவரும் திருட்டு, கொள்ளைகளில் ஈடுபடுவார். அவருடன் மோதி அவரை திருத்துவார் சாந்தா.

காதலருடன் மோதும்போது அவன் தன்னை அடையாளம் கண்டு கொள்ளக் கூடாது என்பதற்காக ஆண் வேடமிட்டு அவருடன் மோதுவார். சிகரெட் புகைப்பார், பயங்கரமாக சண்டை போடுவார். இறுதியில் இருவரும் இணைவதுதான் கதை. ருக்மணியும், ஸ்ரீனிவாசராவும் போடும் சண்டைகள் அன்றைக்கு தியேட்டரையே பதம் பார்த்தது. படம் பெரிய வெற்றி பெற்றது.

Flashback

Veera Ramani

K T Rukmini

Action Heroine

கருத்துகள் (0) கருத்தைப் பதிவு செய்ய

'மெட்ராஸ்காரன்' படத்தில் ...

புஷ்பா 2 - நான்கு நாட்களில் 800 கோடி ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய