Dinamalar

10 வயது குறைவு... 8 ஆண்டுகளுக்கு பின் மனகசப்பு : விவாகரத்து கேட்டு கமல் பட நடிகை ஊர்மிளா மனு

பாலிவுட்டின் பிரபல நடிகை ஊர்மிளா மடோண்ட்கர், 50. தமிழில் ஷங்கர் இயக்கத்தில் கமல் நடிப்பில் 1996ல் வெளியான இந்தியன் படத்தில் இரண்டு நாயகிகளில் ஒருவராக நடித்தார். குறிப்பாக கமல் உடன் அவர் ஆடிய ‛அக்கடான்னு நாங்க உடை போட்டா...' பாடலை ரசிகர்கள் யாரும் அவ்வளவு எளிதில் மறக்க மாட்டார்கள். தொடர்ந்து பாலிவுட்டில் பல்வேறு சூப்பர் ஹிட் படங்களில் நடித்துள்ளார்.

ஊர்மிளா தன்னை விட 10 வயது குறைவான காஷ்மீரைச் சேர்ந்த தொழிலதிபரும், மாடலுமான மொஹ்சின் அக்தர் மிர் என்பவரைக் காதலித்து வந்தார். இருவரும் ஒன்றாக வாழ்ந்து வந்த சூழலில் கடந்த 2016ல் திருமணம் செய்து கொண்டனர். இருவரின் வயது வித்தியாசத்தை வைத்து இவர்களின் திருமணம் அப்போது பேசு பொருளானது.

இந்நிலையில் 8 ஆண்டுகள் ஒன்றாக வாழ்ந்த இவர்களுக்குள் இப்போது விரிசல் ஏற்பட்டுள்ளது. இதையடுத்து மொஹ்சினிடமிருந்து விவாகரத்து கோரி மும்பை குடும்பநல நீதிமன்றத்தில் ஊர்மிளா மனு தாக்கல் செய்துள்ளார்.

பிரபல ஆடை வடிவமைப்பாளர் மனீஷ் மல்கோத்ராவின் உறவினர் வீட்டு திருமணத்தில் தான் ஊர்மிளா, மொஹ்சின் சந்தித்தனர். அப்போது அவர்களுக்குள் ஏற்பட்ட பழக்கம் பிஸ்னசிலும் இவர்களை இணைய வைத்து பின்னர் திருமண பந்தத்திலும் இணைத்தது. இப்போது இருவரும் பிரிவை நோக்கி நகர்ந்துள்ளனர்.

• 
  ஸ்பெயின் கார் பந்தயத்தில் மூன்றாமிடம்: அஜித் அணிக்கு உதயநிதி பாராட்டு
• 
  ‛மா இண்டி பங்காரம்' படப்பிடிப்பு இம்மாதம் துவக்கம்: சமந்தா வெளியிட்ட ...
• 
  துணிக்கடை திறப்பு விழாவில் கூட்ட நெரிசலில் சிக்கிக்கொண்ட பிரியங்கா ...
• 
  10க்கு 9 எப்பவுமே லேட் தான் ; இண்டிகோ விமான சேவை மீது மாளவிகா மோகனன் ...
• 
  வதந்திகளில் கவனம் செலுத்தவில்லை: காஜல் அகர்வால்

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்