அம்மாவின் கனவை நிறைவேற்றிய ஜூனியர் என்டிஆர்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

அம்மாவின் கனவை நிறைவேற்றிய ஜூனியர் என்டிஆர்

01 செப், 2024 - 01:51 IST

எழுத்தின் அளவு:

'ஆர்ஆர்ஆர்' நடிகரான ஜூனியர் என்டிஆர், ஆந்திர மாநில முன்னாள் முதல்வர் என்டிஆரின் பேரன், நடிகர் ஹரிகிருஷ்ணாவின் மகன் என்பதும் அனைவருக்கும் தெரிந்த ஒன்றுதான். ஹரிகிருஷ்ணாவின் இரண்டாவது மனைவியான ஷாலினியின் மகன்தான் ஜூனியர் என்டிஆர். இவர் கர்நாடக மாநிலத்தைச் சேர்ந்தவர். தாத்தாவின் பாசத்தைப் பெற்றவர் என்பதால் அவர் சொல்லித்தான் அவருடைய பெயரான நந்தமூரி தாரக ராம ராவ் என்று சொல்லாமல் அவரை ஜூனியர் என்டிஆர் என்று சொல்ல ஆரம்பித்தார்கள். அப்பாவின் மறைவுக்குப் பிறகு என்டிஆர் குடும்பத்தால் சற்றே விலக்கி வைக்கப்பட்டார் ஜூனியர் என்டிஆர் என்பது தகவல்.

தனது அம்மாவின் நீண்ட நாள் கனவு ஒன்றை ஜூனியர் என்டிஆர் நிறைவேற்றியுள்ளார். அது குறித்து, “என்னை அம்மாவின் சொந்த ஊரான குந்தபுராவுக்கு அழைத்துச் சென்று, உடுப்பி ஸ்ரீகிருஷ்ண மட கோவிலில் தரிசனம் செய்ய வைக்க வேண்டும் என்ற அம்மாவின் கனவு நனவானது. செப்டம்பர் 2ம் தேதி அவரது பிறந்தநாளுக்கு முன்பாக இது நடைபெற்றது. இதை விட சிறந்த பிறந்தநாள் பரிசை நான் தந்திருக்க முடியாது. விஜய் கிரகந்தூர், எனது அன்புக்குரிய நண்பன் பிரசாந்த் நீல் ஆகியோர் என்னுடன் இணைந்து இதை நடத்தித் தந்தனர். எனது அன்பான ரிஷப் ஷெட்டிக்கும் நன்றி. இந்தத் தருணத்தை மிகவும் சிறப்பாக்கித் தந்து ஆதரவளித்தார்,” எனக் குறிப்பிட்டுள்ளார்.

கோயில் மடாதிபதிகள் அவரை வரவேற்ற, அவர் அங்கு ரிஷப் ஷெட்டி, பிரசாந்த் நீல் ஆகியோருடன் உணவருந்திய வீடியோக்கள் சமூக வலைத்தளங்களில் வைராகி உள்ளன.

JrNTR

கருத்துகள் (0) கருத்தைப் பதிவு செய்ய

தமிழகத்தில் அதிக வசூலைக் கொடுத்த ...

நடிப்பும் சேவையும் தேடி தந்த ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய