Dinamalar

ரஜினியை தொடர்ந்து கமலுக்கும் நேரில் திருமண அழைப்பு விடுத்த வரலட்சுமி

நடிகர் சரத்குமாரின் மகளான வரலட்சுமி தந்தையைப் போலவே நடிப்பில் ஆர்வம் கொண்டு விக்னேஷ் சிவன் இயக்கிய போடா போடி என்கிற படத்தில் சிம்புவுக்கு ஜோடியாக அறிமுகமானார். அதைத் தொடர்ந்து சிறிய தேக்கம் ஏற்பட்டாலும் பின்னர் நல்ல கதைகளையும் கதாபாத்திரங்களையும் தேர்ந்தெடுத்து தமிழ் சினிமாவில் பிஸியான நடிகையாக நடித்து வருகிறார். மலையாளம் தெலுங்கு கன்னடம் என தென்னிந்திய சினிமா அளவில் தனக்கென ஒரு பெயரையும் தக்க வைத்துக் கொண்டுள்ளார்.

இந்த நிலையில் வரலட்சுமிக்கும் அவரது நீண்டநாள் நண்பரான நிக்கோலஸ் சச்தேவ் என்பவருக்கும் கடந்த சில மாதங்களுக்கு முன்பு திருமணம் நிச்சயிக்கப்பட்டது. வரும் ஜூலை இரண்டாம் தேதி இவர்கள் திருமணம் நடைபெற இருக்கிறது.

இந்த நிலையில் திரையுலக பிரபலங்களுக்கு திருமண அழைப்பிதழ் விநியோகம் செய்யும் பணியில் சரத்குமார், வரலட்சுமி மற்றும் ராதிகா சரத்குமார் ஆகியோர் ஈடுபட்டுள்ளனர். முன்னணி நட்சத்திரங்களுக்கு தன் கையாலேயே திருமண அழைப்பிதழ் கொடுக்க விரும்பிய வரலட்சுமி சரத்குமார் சமீபத்தில் நடிகர் ரஜினிகாந்த் வீட்டிற்கு நேரில் சென்று திருமண அழைப்பிதழ் கொடுத்தார். அடுத்ததாக நடிகர் கமல்ஹாசனுக்கும் நேரில் சென்று அழைப்பிதழ் கொடுத்துள்ளார். இது குறித்து அவர் சில புகைப்படங்களையும் பகிர்ந்து கொண்டுள்ளார்.

• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'
• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...
• 
  தொடரும் பட ஹிந்தி ரீமேக்கில் அஜய் தேவகன் : இயக்குனர் தருண் மூர்த்தியின் ...
• 
  ‛பார்டர் 2'வில் தில்ஜித் தோசன்ஜ் முதல் பார்வை வெளியீடு

• 
  சமந்தாவுக்கு விலை உயர்ந்த திருமண பரிசு கொடுத்த ராஜ் நிடிமொரு
• 
  ‛கோழிப்பண்ணை செல்லத்துரை' நாயகனின் அடுத்த படம் ‛ஹைக்கூ'
• 
  அஜித்தின் கார் ரேஸை ஆவண படமாக்கும் ஏ.எல்.விஜய்
• 
  ரஜினி படத்திற்கு இசையமைக்கும் சாய் அபயன்கர்
• 
  ரவி தேஜா,பிரியா பவானி சங்கர் படத்தின் தலைப்பு இருமுடி?