Dinamalar

'ரசவாதி'யில் சித்த வைத்தியர் கேரக்டரை உருவாக்கியது ஏன்? : சாந்தகுமார் பேட்டி

மெளனகுரு, மகாமுனி படங்களை இயக்கிய சாந்தகுமார் தற்போது இயக்கி உள்ள படம் 'ரசவாதி : தி அல்கெமிஸ்ட்'. நாயகனாக அர்ஜூன் தாஸ், நாயகியாக தன்யா ரவிச்சந்திரன், ரேஷ்மா வெங்கடேஷ் மற்றும் ரம்யா சுப்ரமணியன் நடித்துள்ளனர். இவர்களுடன் ஜி.எம்.சுந்தர், சுஜித் சங்கர், சுஜாதா, ரிஷிகாந்த் உள்பட பலர் படத்தில் நடித்துள்ளனர். தமன் இசையமைத்துள்ளார். வருகிற 10ம் தேதி வெளிவருகிறது. சக்தி பிலிம் பேக்டரி சார்பில் சக்திவேலன் வெளியிடுகிறார்.

படம் குறித்து இயக்குனர் சாந்தகுமார் நேற்று நிருபர்களுக்கு பேட்டி அளித்தார். அப்போது அவர் கூறியதாவது : 'மௌனகுரு' படத்திற்கு பிறகு ‛மகாமுனி' இயக்க சிறிய இடைவெளி இருந்தது. ஆனால் இந்த படத்திற்கு இடைவெளி எதுவும் இல்லை. கொரோனா காலம் வந்ததால் சற்று தாமதமாகி விட்டது. இனி இந்த இடைவெளி இருக்காது. ரசவாதம் என்பது உலோக மாற்றம். அதுவே மனிதனின் மூளைக்கும் பொருந்தும். அதுதான் படத்தின் கதை.

அலோபதி டாக்டர்களை போன்றே பல இளைஞர்கள் சித்த வைத்தியம் படித்துவிட்டு டாக்டர்களாக இருக்கிறார்கள். ஆனால் அவர்கள் அதிகம் அறியப்படாதவர்களாக இருக்கிறார்கள். அதனால் தான் இந்த படத்தின் நாயகனை ஒரு இளம் சித்த வைத்திய டாக்டராக உருவாக்கினேன்.

ரசவாதியில் எனது முந்தைய படத்தின் தரம் இருக்கும் ஆனால் அவற்றின் கதை, களம் இவற்றில் இருந்து முற்றிலும் வேறுபட்டு இருக்கும். இது மூன்றாவது ஒரு அனுபவத்தை தரும். எல்லா அம்சங்களும் நிறைந்த படமாக இருக்கும். நடிகர்கள், தொழில்நுட்ப குழுவை சேர்ந்தவர்கள், எல்லாருமே தங்கள் சிறந்த உழைப்பை கொடுத்துள்ளனர் என்றார்.

• 
  எனது முத்தக் காட்சியை எப்படி நீக்கலாம் : பாலிவுட் நடிகை கண்டனம்
• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...

• 
  என் கருத்துக்களை திட்டமிட்டே சர்ச்சை ஆக்குகிறார்கள் : ராஷ்மிகா ஆதங்கம்
• 
  பிளாஷ்பேக்: சிந்தைக்கும், செவிக்கும் விருந்தளித்த ஸ்ரீதரின் “சிவந்த மண்”
• 
  தனுஷை தொடர்ந்து நானியை இயக்கும் சேகர் கம்முலா
• 
  கூலி படம் இன்னொரு தளபதி : லோகேஷை கட்டிப்பிடித்து பாராட்டிய ரஜினி
• 
  சிவராஜ்குமாரை இயக்கும் தமிழ் இயக்குனர்