Dinamalar

விஷாலின் ‛ரத்னம்' டிரைலர் வெளியீடு : ஆக்ஷன் ‛ஓகே'... எதற்காக அந்த கெட்டவார்த்தை

தாமிரபரணி, பூஜை படங்களுக்கு பின் இயக்குனர் ஹரி - நடிகர் விஷால் கூட்டணி மூன்றாவது முறையாக இணைந்துள்ள படம் ‛ரத்னம்'. பிரியா பவானி சங்கர் நாயகியாக நடித்துள்ளார். முக்கிய வேடங்களில் சமுத்திரகனி, கவுதம் மேனன், யோகி பாபு உள்ளிட்ட பலர் நடித்துள்ளனர். தேவிஸ்ரீ பிரசாத் இசையமைத்துள்ளார். ஆக்ஷன் பாணியில் இந்தப்படம் தயாராகி உள்ளது.

வரும் ஏப்., 26ல் படம் திரைக்கு வர உள்ள நிலையில் ரத்னம் படத்தின் டிரைலர் வெளியாகி உள்ளது. டிரைலர் முழுக்க முழுக்க விஷாலின் ஆக்ரோஷமான ஆக்ஷன் காட்சிகள் இடம் பெற்றுள்ளன. நாயகி பிரியா பவானி சங்கரை ஒரு கும்பல் கொல்ல துடிக்கிறது. அவர்களிடமிருந்து பிரியாவை காப்பாற்றும் விஷால் எதிரிகளை எப்படி பந்தாடுகிறார் என்பதே கதைக்களமாக இருக்கும் என டிரைலரை பார்க்கையில் புரிகிறது. ஹரியின் வழக்கமான ஆக்ஷன், மசாலா மற்றும் அரிவாள் கலாச்சாரங்கள் இந்த படத்திலும் இடம் பெற்றுள்ளன.

அதேசமயம் சமீபகாலமாக முன்னணி நடிகர்களின் படங்களின் டிரைலரில் கெட்டவார்த்தை இடம் பெறுவது தொடர்கதையாகி வருகிறது. இந்த படத்திலும் இரண்டு இடங்களில் கெட்டவார்த்தை இடம் பெற்றுள்ளது. இது சென்சார் செய்யப்படாத டிரைலர் காட்சி என்பதால் அப்படியே விட்டுவிட்டார்களா அல்லது இதை வைத்து எதுவும் பப்ளிசிட்டி கிடைக்கும் என எதிர்பார்க்கிறார்களா என தெரியவில்லை.

டிரைலர் லிங்க் : https://www.youtube.com/watch?v=X6srnSdOJU8

• 
  தீபிகா படுகோனேவின் குரல் இனி மெட்டா ஏஐ-யில் ஒலிக்கும்
• 
  மாதவனை பழிக்குப்பழி வாங்கி விட்டேன் : அஜய் தேவ்கன் பகிர்ந்த சுவாரஸ்ய ...
• 
  'மகாபாரதம்' தொடரில் கர்ணனாக நடித்த நடிகர் பங்கஜ் தீர் காலமானார்
• 
  ஹிந்தியில் ரீ-மேக் ஆகும் ‛சங்கராந்திகி வஸ்துனம்' : அக் ஷய் நடிக்க ...
• 
  'ஏஜென்ட் மிர்ச்சி' ; ஸ்ரீ லீலாவின் முதல் பாலிவுட் பட லுக் வெளியானது

• 
  நாகார்ஜூனா ரசிகையாக கை தட்டியதில் நானும் ஒருவர்! - அமலா அக்கினேனி
• 
  இயக்குனராக கென் கருணாஸ் : அதிகாரப்பூர்வ அறிவிப்பு
• 
  ரஜினி, சுந்தர்.சி கூட்டணியில் புதிய படம்?
• 
  தீபாவளி பண்டிகையையொட்டி ரசிகர்களுக்கு 'டபுள் ட்ரீட்': இந்த வார ஓடிடி ...
• 
  பிரபாஸ் பிறந்தநாளில் ரசிகர்களுக்கு இரட்டை விருந்து