Dinamalar

ஏஆர் முருகதாஸ், சிவகார்த்திகேயன் படம் திடீர் ஆரம்பம்

ஏஆர் முருகதாஸ் இயக்கத்தில், சிவகார்த்திகேயன் நடிக்க உள்ள படம் பற்றிய தகவல் கடந்த வருடம் செப்டம்பர் 25ம் தேதி அதிகாரப்பூர்வமாக வெளியானது. இயக்குனர் ஏஆர் முருகதாஸுக்கு பிறந்தநாள் வாழ்த்துகளைத் தெரிவித்து அது தனது 23வது படமாக உருவாகும் என்ற தகவலை சிவகார்த்திகேயன் வெளியிட்டிருந்தார். அதில் படத் தயாரிப்பாளர் தெலுங்கு தயாரிப்பாளரான என்வி பிரசாத்-தும் கலந்து கொண்டார்.

கமல்ஹாசன் தயாரிப்பில், ராஜ்குமார் பெரியசாமி இயக்கத்தில் சிவகார்த்திகேயனின் 21வது படத்தின் படப்பிடிப்பு முடிந்த பின் 23வது படத்தின் படப்பிடிப்பு ஆரம்பமாகும் என்று சொல்லப்பட்டது. ஆனால், 21வது படத்தின் படப்பிடிப்பு தொடர்ந்து இழுபறியாக விட்டுவிட்டு நடைபெற்று வருகிறது. இன்னும் ஒரு மாத கால படப்பிடிப்பு நடக்க வேண்டும் என்கிறார்கள்.

இதனால், பொறுமையிழந்த 23வது படத்தின் தயாரிப்பாளர் என்வி பிரசாத் படத்தை ஆரம்பிக்க வேண்டும் என நெருக்கடி கொடுத்தாராம். எனவே, இன்று எந்த முன்னறிவிப்பும் இன்றி படப்பிடிப்பை ஆரம்பித்துள்ளார்கள்.

இப்படத்தின் மிருணாள் தாகூர் கதாநாயகியாக நடிக்க உள்ளதாக முதலில் சொன்னார்கள். ஆனால், இப்போது ருக்மணி வசந்த் கதாநாயகியாக ஒப்பந்தமாகி உள்ளார். இன்றைய படப்பிடிப்பிலும் அவர் கலந்து கொண்டார். கன்னட நடிகையான ருக்மணி, விஜய் சேதுபதியின் 51வது படத்தில் கதாநாயகியாக நடித்து வருகிறார்.

சல்மான் கான் நடிக்க உள்ள ஹிந்திப் படத்தை ஏஆர் முருகதாஸ் இயக்க உள்ளதாக கடந்த வாரம் செய்திகள் வந்தன. இந்நிலையில் அவர் சிவகார்த்திகேயனின் படத்தை ஆரம்பித்துள்ளார்.

• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  இன்பன் உதயநிதி ஹீரோவாகும் படம் : மாரி செல்வராஜ் இயக்குகிறாரா?
• 
  இந்த வார ஓடிடி ரிலீஸ்...... நீங்கள் எதிர்பார்த்த 'வார்-2' முதல் 'பாம்' ...
• 
  ஜட்ஜ் ஆக நடிக்கும் சோனியா அகர்வால்
• 
  புதிய இசை நிறுவனம் தொடங்கிய ஐசரி கணேஷ்
• 
  பிளாஷ்பேக் : தங்கை கேரக்டரில் அதிகம் நடித்த நடிகை