கராத்தே சந்திரனாக மாறும் பஹத் பாசில்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

கராத்தே சந்திரனாக மாறும் பஹத் பாசில்

14 பிப், 2024 - 11:54 IST

எழுத்தின் அளவு:

நடிகர் பஹத் பாசில் கடந்த இரண்டு வருடங்களில் தெலுங்கு, தமிழ் திரையுலகில் மட்டுமே அதிக கவனம் செலுத்தி முன்னணி நடிகர்களின் படங்களில் வில்லனாகவும் முக்கிய வேடங்களிலும் நடித்து வந்தார். அந்த வகையில் புஷ்பா 2, விக்ரம், மாமன்னன் ஆகிய படங்கள் அவரது நடிப்பில் வரவேற்பை பெற்றன. தற்போது ரஜினியுடன் இணைந்து ‛வேட்டையன்' படத்தில் நடித்து வருகிறார். அதேசமயம் கன்னட இயக்குனர் டைரக்சனில் அவர் நடித்த தூமம் திரைப்படம் வந்த சுவடே தெரியாமல் போய்விட்டது. இந்த நிலையில் தற்போது மீண்டும் மலையாளத்தில் கவனம் செலுத்த துவங்கியுள்ள பஹத் பாசில் ‛கராத்தே சந்திரன்' என்கிற படத்தில் கதாநாயகனாக நடிக்கிறார்.

சில வருடங்களுக்கு முன்பு பஹத் பாசில் திரையுலகில் தொடர் சரிவை சந்தித்து வந்தபோது அவருக்கு மிகப்பெரிய வெற்றியை கொடுத்த படம் மகேஷிண்டே பிரதிகாரம். இந்த படத்தின் இயக்குனர் திலீஷ் போத்தனிடம் உதவி இயக்குனராக பணியாற்றிய ராய் என்பவர் இந்த கராத்தே சந்திரன் படத்தை இயக்குவதன் மூலம் இயக்குனராக அறிமுகமாகிறார். மலையாளத்தில் சமீபத்தில் சின்ன பட்ஜெட்டில் வெளியாகி வரவேற்பை பெற்று ஓடிக்கொண்டிருக்கும் 'பிரேமலு' படத்தை தயாரித்த பாவனா ஸ்டுடியோஸ் நிறுவனம் இந்த படத்தை தயாரிப்பதாக டைட்டில் போஸ்டருடன் அதிகாரபூர்வ அறிவிப்பை வெளியிட்டுள்ளது.

FahadhFaasil

KarateChandran

கருத்துகள் (0) கருத்தைப் பதிவு செய்ய

சென்னையில் பிரபல 'காம்ப்ளக்ஸ்' ...

அமெரிக்காவில் யேசுதாஸை சந்தித்த ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய