Dinamalar

விஜய்க்கு வாழ்த்து சொன்ன தெலுங்கு இயக்குனர்? - விஜய் 69 இயக்குனரா?

புதிய அரசியல் கட்சிக்கான பணியை ஆரம்பித்து தீவிர அரசியலில் ஈடுபட உள்ளார் நடிகர் விஜய். தற்போது நடித்து வரும் 'கோட்' படத்திற்குப் பிறகு அவருடைய 69வது படத்துடன் நடிப்புக்கு முழுக்கு போடப் போவதாக அவரே அறிவித்தும் விட்டார்.

இந்நிலையில் விஜய்யின் 69வது படத்தைத் தெலுங்கு தயாரிப்பாளரான 'ஆர்ஆர்ஆர்' படத் தயாரிப்பாளர் டிவிவி தனய்யா தயாரிக்கப் போகிறார் என்ற தகவல் ஏற்கெனவே வெளியாகி உள்ளது. அப்படத்திற்கான இயக்குனர் யார் என்பதை இன்னும் முடிவு செய்யவில்லை என்கிறார்கள்.

இருந்தாலும் விஜய்யை வைத்து படத்தை இயக்க சில இயக்குனர்கள் ஏற்கெனவே பேசி வந்ததாகத் தற்போது தகவல் வெளியானது. விஜய் நடிக்க 'தெறி, மெர்சல், பிகில்' படங்களை இயக்கிய அட்லீ, அஜித் நடித்த 'நேர்கொண்ட பார்வை, வலிமை, துணிவு' படங்களை இயக்கிய வினோத் ஆகியோர் கதை சொன்னதாக ஒரு தகவல் வெளியானது. வினோத் சொன்ன கதை ஒரு அரசியல் கதை என்கிறார்கள்.

அவர்களோடு தெலுங்கு இயக்குனரான கோபிசந்த் மலினேனி கூட விஜய்யிடம் கதை சொல்லியிருக்கிறார் என்று ஒரு தகவல். இவர் பாலகிருஷ்ணா நடித்த 'வீர சிம்ஹா ரெட்டி', உள்ளிட்ட சில தெலுங்குப் படங்களை இயக்கியவர். அதிரடி ஆக்ஷன் படங்களின் ஸ்பெஷலிஸ்ட் இவர். நேற்று விஜய்யின் கட்சி பற்றிய அறிவிப்பு வந்ததும் விஜய்க்கு வாழ்த்து தெரிவித்துள்ளார். அதனால், இவரும் விஜய் 69 இயக்குனர் போட்டியில் உள்ளார்.

விஜய்யின் 69வது படத்தைத் தெலுங்கு தயாரிப்பாளர் தயாரிக்கிறார் என்றால் தெலுங்கு இயக்குனர் இயக்குவதில் ஆச்சரியமில்லை.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  'கூலி' படத்தில் நடித்துள்ள 'குட் பேட் அக்லி' பிரபலம்!
• 
  ரெட்ரோ படத்தின் தணிக்கை மற்றும் நீளம் குறித்து தகவல் இதோ!
• 
  ஆன் ஸ்க்ரீன் என்னோட குரு கமல்ஹாசன் - சிலம்பரசன் பேச்சு
• 
  பொன்னியின் செல்வன் : தயாரிக்க மறுத்த கமல்ஹாசன்
• 
  தனுசுடன் 'குபேரா' புரமோஷன் நிகழ்ச்சிகளில் பங்கேற்க தயாராகி வரும் ...