Dinamalar

'கமல்ஹாசன் 237' ; திடீர் அறிவிப்பு ஏன்?

கமல்ஹாசன் இளம் கதாநாயகனாக நடித்த போது கூட இப்படி அடுத்தடுத்து அறிவிப்புகள் வந்ததில்லை என்று சொல்லுமளவிற்கு தற்போது புதுப்புது அறிவிப்புகள் வந்து கொண்டிருக்கின்றன.

2022ல் வெளிவந்த 'விக்ரம்' படம் மூலம் பெரும் வசூலைப் பெற்றார் கமல்ஹாசன். அந்தப் படம் கொடுத்த உத்வேகம் அவரை அடுத்தடுத்து புதிய படங்களைத் தயாரிக்கத் தூண்டியது.

கடந்த வருடம் செப்டம்பர் 5ம் தேதி இயக்குனர் வினோத்தின் பிறந்தநாளை முன்னிட்டு அவரது இயக்கத்தில் கமல்ஹாசன் நடிக்க உள்ள 233வது படம் பற்றிய அறிவிப்பை வெளியிட்டார்கள். விவசாயிகளின் பிரச்னைகளைப் பற்றிச் சொல்லும் படமாக அப்படம் இருக்கும் என்று தகவல்கள் வெளியாகின.

அதற்கடுத்து நவம்பர் 6ம் தேதி கமல்ஹாசனின் பிறந்தநாளுக்கு ஒரு நாள் முன்னதாக அவரது 234வது படமாக மணிரத்னம் இயக்கத்தில் நடிக்க உள்ள படத்தின் பெயரை 'தக் லைப்' என அறிவித்து வீடியோ ஒன்றை வெளியிட்டார்கள்.

இரண்டு மாத இடைவெளியில் ஜனவரி 12ம் தேதி, கமல்ஹாசனின் 237வது படமாக ஸ்டன்ட் இயக்குனர் அன்பறிவ் இயக்கத்தில் கமல்ஹாசன் நடிக்க உள்ள படத்தின் அறிவிப்பை வெளியிட்டுள்ளார்கள்.

இப்படி ஆறு மாதங்களுக்குள் கமல்ஹாசனின் மூன்று படங்கள் பற்றிய அறிவிப்புகள் அடுத்தடுத்து வெளியாகி அவருடைய ரசிகர்களுக்கு இன்ப அதிர்ச்சியைக் கொடுத்துள்ளன. இவற்றோடு 'கல்கி 2898 எடி' படத்தில் வில்லன் கதாபாத்திரத்தில் கமல்ஹாசன் நடிக்கிறார் என்பதும் பட்டியலில் கூடுதலாக இணைந்தது.

வினோத் இயக்கத்தில் நடிக்கவிருந்த 233வது படத்தின் படப்பிடிப்பு இன்னும் ஆரம்பமாகவில்லை. 234வது படமான 'தக் லைப்' படத்தின் படப்பிடிப்பு பொங்கலுக்குப் பிறகு ஆரம்பமாக உள்ளது. இந்நிலையில் 237வது படத்தின் அறிவிப்பும் வந்தது திரையுலகிலும ஆச்சரியத்தை ஏற்படுத்தியுள்ளது.

வினோத் இயக்கத்தில் கமல்ஹாசன் நடிப்பதாக சொல்லப்பட்ட 233வது படம் நடக்க வாய்ப்பில்லை என்றும் சொல்கிறார்கள். வினோத் கொடுத்த முழு ஸ்கிரிப்ட்டில் கமல்ஹாசன் திருப்தியாகவில்லை. சில மாற்றங்களைச் செய்த பின்பும் அது குறித்த தனது அதிருப்தியை கமல்ஹாசன் வெளிப்படுத்தியதாகவும் அதனால் அந்தப் படம் கைவிடப்படும் சூழலில் உள்ளதாகவும் சொல்கிறார்கள். அதனால்தான் அன்பறிவ் இயக்கத்தில் 237வது படத்தின் அறிவிப்பு வெளியிடப்பட்டுள்ளதாம். 233வது படம் எப்போது ஆரம்பமாகும் என்பது கமல்ஹாசன் ஒருவருக்கு மட்டுமே தெரியும் என்கிறார்கள்.

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  எனக்கும் ஒரு எதிர்காலம் உள்ளது... வதந்தி பரப்பாதீங்க : பவித்ரா லட்சுமி
• 
  பிரியங்கா மோகனின் துருக்கி கனவு நனவானது
• 
  லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு