Dinamalar

நடிகை பபிதா மகள் ஹீரோயின் ஆனார்

பழம்பெரும் நடிகரும், எம்.ஜி.ஆரின் மெய்காப்பாளருமான ஜஸ்டினின் மகள் பபிதா. பாக்யராஜின் ‛சின்ன வீடு' படத்தில் நடித்து பிரபலமானார். பவுனு பவுனுதான், பூவே பூச்சூடவா, மங்கை ஒரு கங்கை உள்ளிட்ட ஏராளமான படங்களில் நடித்தார். பெரும்பாலும் ஒரு பாடலுக்கு கவர்ச்சி நடனம் ஆடினார். சினிமா வாய்ப்புகள் குறைந்ததும் அதிமுகவில் சேர்ந்து தேர்தல் பிரச்சாரம் செய்தார். இப்போதும் அதிமுகவில்தான் இருக்கிறார்.

அவரது மகள் ஹரிஷ்தா தற்போது நடிக்க வந்திருக்கிறார். பல படங்களுக்கு கதை, வசனம் எழுதியவரும், 'அழியாத கோலங்கள் 2' படத்தை இயக்கியவருமான எம்.ஆர்.பாரதி இயக்கும் 'ட்ரீம் கேர்ள்' என்ற படத்தில் நாயகியாக நடிக்கிறார். அவருக்கு ஜோடியாக ஜீவா என்ற புதுமுகம் நடிக்கிறார். இதன் படப்பிடிப்பு ஊட்டியில் 24 நாட்களில் நடந்து முடிந்திருக்கிறது.

படம் பற்றி இயக்குனர் எம்.ஆர்.பாரதி கூறும்போது, “இது எளிமையான காதல் கதை. 4 கேரக்டர்கள் மட்டுமே படத்தில் இடம் பெறுகிறார்கள். நாயகனும், நாயகியும் தீவிரமாக காதலிப்பார்கள். அவர்களின் காதலுக்கு எதிரி அவர்கள் காணும் கனவுதான். அந்த கனவில் அவர்களுக்கு இன்னொரு காதல் வருகிறது. எது நிஜம், எது கனவு. எது சரி, எது தவறு என்று தவிப்பார்கள். முடிவு என்ன என்பதை சுவையாக சொல்லும் படம். படத்தின் படப்பிடிப்பு நடந்தபோதுதான் ஒரு நாள் நான் பபிதாவின் மகள் என்பதை என்னிடம் சொன்னார். நல்ல திறமையான நடிகையாக வலம் வருவார். என்றார்.

• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்
• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!

• 
  பார்க்கிங் மோதல் விவகாரம் : தர்ஷனுக்கு ஆதரவாக குரல் கொடுத்த சனம் ஷெட்டி!
• 
  'இட்லி கடை' தள்ளிப் போக இதுதான் காரணமா ?
• 
  பிருத்விராஜிற்கு வருமான வரித்துறை நோட்டீஸ்
• 
  எம்புரான் தயாரிப்பாளர் கோகுலம் நிறுவனத்தில் ரூ.1.5 கோடி பறிமுதல்
• 
  மலையாளத்தில் வசூல் நம்பர் 1 இடத்தைப் பிடித்த 'எல் 2 எம்புரான்'