Dinamalar

'இந்தியன் 2'க்கு தான் மீண்டும் படப்பிடிப்பு

ஷங்கர் இயக்கத்தில், கமல்ஹாசன், காஜல் அகர்வால் மற்றும் பலர் நடிக்கும் படம் 'இந்தியன் 2'. இப்படத்திற்கான படப்பிடிப்பு ஏற்கெனவே முடிவடைந்திருந்தது. ஆனால், கடந்த வாரம் ஆந்திர மாநிலம் விசாகப்பட்டிணத்தில் மீண்டும் படப்பிடிப்பு ஆரம்பமானது. அதில் கமல்ஹாசன் கலந்து கொண்டு நடித்தார். தீபாவளி இடைவெளிக்குப் பிறகு மீண்டும் இந்த வாரம் படப்பிடிப்பு நடக்க உள்ளது. இது 'இந்தியன் 3'க்கான படப்பிடிப்பு என்று முதலில் சொல்லப்பட்டது. ஆனால், 'இந்தியன் 2'க்காகத்தான் தற்போது படப்பிடிப்பை நடத்தி வருகிறார்களாம்.

'இந்தியன் 3' என இன்னொரு பாகத்தை கூடுதலாக வெளியிடலாம் என திட்டமிட்டபின் படத்தொகுப்பை முடித்து பார்த்த பிறகு இரண்டாம் பாகத்திற்கான கிளைமாக்ஸ் காட்சிகளில் சிலவற்றை சேர்த்தால் நன்றாக இருக்கும் என நினைத்தார்களாம். அதற்காகத்தான் இப்போது படப்பிடிப்பை நடத்தி வருகிறார்களாம். அத்துடன் 'இந்தியன் 3'க்கான ஒரு 'லீட்' காட்சியை இரண்டாம் பாகத்தில் சேர்க்கவும், மேலும், அதற்கான டீசர், டிரைலர் ஆகியவற்றுக்காக சில காட்சிகளையும் படமாக்கி வருகிறார்களாம்.

2024ம் வருடத்திலேயே 'இந்தியன் 2, இந்தியன் 3' என வர உள்ளதால் அடுத்த ஆண்டில் கமல்ஹாசன் வசூல் சாதனை புரிவது நிச்சயம் என அவரது ரசிகர்கள் மகிழ்ச்சியில் உள்ளார்கள்.

• 
  ‛பார்டர் 2'வில் தில்ஜித் தோசன்ஜ் முதல் பார்வை வெளியீடு
• 
  75 கோடி வசூல் கடந்த தனுஷின் 'தேரே இஷ்க் மெய்ன்'
• 
  காந்தாரா கிண்டல்: மன்னிப்பு கேட்ட ரன்வீர் சிங்
• 
  விஜய் பட இயக்குனர் உடன் இணையும் சல்மான்
• 
  பிரபல பாலிவுட் இயக்குனரின் வாழ்க்கை வரலாறு படத்தில் நடிக்கும் தமன்னா

• 
  ஜெயிலர் 2 படப்பிடிப்பில் இணைந்த மோகன்லால்
• 
  கல்கி 2898 ஏடி 2 படம் : தீபிகாவிற்கு பதில் பிரியங்கா சோப்ரா
• 
  மீண்டும் சுதா இயக்கத்தில் நடிக்கும் சிவகார்த்திகேயன்
• 
  ஐஸ்வர்யா ராஜேஷ் நடிக்கும் புதிய படம் ஓ சுகுமாரி
• 
  குட் பேட் அக்லி... இளையராஜா பாடல் விவகாரம் : மனு தள்ளுபடி