Dinamalar

சர்ச்சையை ஏற்படுத்தியுள்ள 'லியோ' முதல் நாள் வசூல்

லோகேஷ் கனகராஜ் இயக்கத்தில், விஜய் நடித்து வெளிவந்துள்ள படம் 'லியோ'. இப்படத்தின் முதல் நாள் வசூல் 148 கோடியே 50 லட்சம் என தயாரிப்பு நிறுவனம் அதிகாரப்பூர்வமாக அறிவித்துள்ளது. அது மட்டுமல்லாமல் இந்த ஆண்டில் முதல் நாள் வசூலாக அதிகத் தொகை வசூலித்துள்ள ஒரு இந்தியத் திரைப்படம் என்றும் குறிப்பிட்டுள்ளார்கள்.

எந்தெந்த மாநிலங்களில், எந்தெந்த நாடுகளில் எவ்வளவு வசூல் என அந்த 'பிரேக்-அப்'பையும் சேர்த்து ஒரு வீடியோவையும் வெளியிட்டுள்ளார்கள். அதன்படி தமிழகத்தில் 34 கோடி, கேரளாவில் 12 கோடி, கர்நாடகாவில் 14 கோடி, ஆந்திரா, தெலங்கானாவில் 16 கோடி, வட இந்தியாவில் 4 கோடி, வளைகுடா நாடுகளில் 20 கோடி, அமெரிக்காவில் 18 கோடி, இங்கிலாந்தில் 13 கோடி, இதர வெளிநாடுகளில் 11.5 கோடி, மலேசியாவில் 6 கோடி என தெரிவித்துள்ளார்கள்.

முதல் நாள் வசூலில் இவ்வளவுத் தொகை வசூல் என்பது சாத்தியமா என்ற சர்ச்சை எழுந்துள்ளது. ஷாரூக்கான் நடித்து வெளிவந்த 'ஜவான்' படம் 'லியோ' படத்தைவிட உலக அளவில் அதிக தியேட்டர்களில் வெளியானது. ஷாரூக்கை விடவும் விஜய் வசூலில் பெரிய சாதனைகளை படைத்தது இல்லை. அப்படிப்பட்ட ஷாரூக் நடிப்பில் வெளிவந்த 'ஜவான்' படத்தின் முதல் நாள் வசூல் 129 கோடி. ஆனால், அதை விடவும் 19 கோடியை அதிகமாக வசூலித்து 'லியோ' எப்படி 148 கோடி வசூலிக்க முடியும் என திரையுலகத்திலேயே சந்தேகத்தை எழுப்புகிறார்கள்.

பட வெளியீட்டிற்கு முன்பாக இந்தப் படத்திற்கு வேண்டுமென்றே மிகப் பெரிய எதிர்பார்ப்பை திட்டமிட்டு உருவாக்கினார்கள். படத்திற்கான விமர்சனங்கள் நெகட்டிவ்வாகவும் வருவதால், அதைச் சரி செய்ய தற்போது முதல் நாள் வசூலைக் கையில் எடுத்திருக்கிறார்கள் என்றும் சொல்கிறார்கள். இந்த ஐந்து தின விஜயதசமி விடுமுறை முடிவதற்குள்ளாகவே 500 கோடி வசூலித்தது என வெளியிடுவார்கள் என்றும் கோலிவுட்டில் தெரிவிக்கிறார்கள்.

• 
  ரங்தே பசந்தி 20ம் வருட நிறைவு : படக்குழுவினருடன் சேர்ந்து கொண்டாடிய ...
• 
  துரந்தர் 2 படத்தில் சிறப்பு தோற்றத்தில் நடித்த விக்கி கவுசல், யாமி கவுதம்
• 
  கணவர் அபிஷேக் பச்சனுக்கு பிறந்தநாள் வாழ்த்து சொன்ன ஐஸ்வர்யா ராய்
• 
  ஆன்லைன் விளையாட்டு மோகத்தால் மூன்று இளம் பெண்கள் தற்கொலை ; சோனு சூட் ...
• 
  அனிமல் 2ம் பாகத்திற்கு அனிமல் பார்க் டைட்டில் ஏன் ? ; சந்தீப் ரெட்டி வங்கா ...

• 
  பிரதீப் ரங்கநாதன் படத்தில் கதையின் நாயகியாக மமிதா பைஜூ
• 
  சமூகத்தை திருப்திப்படுத்த திருமணம் செய்ய மாட்டேன் : சிம்பு
• 
  பிச்சைக்காரன் 3 பிரமாண்டமாக உருவாகும் : விஜய் ஆண்டனி
• 
  காதலர் தினத்தில் வெளியாகும் சீதா பயணம் படத்திற்கு யு சான்றிதழ்
• 
  ரஜினி, கமல் இணையும் படம் : மகள்கள் பங்கு இருக்குமா?