நாங்கள் பிரிகிறோம் : ஜிவி பிரகாஷ் - சைந்தவி அறிவிப்பு | ஸ்டார் படத்தின் முதல்வார வசூல் நிலவரம் இதோ | பத்து நாளில் 55 கோடி வசூலித்த அரண்மனை 4 | திரிஷாவின் ஐடென்டிட்டி படப்பிடிப்பு நிறைவு | நடிகர் சங்கத்திற்கு தனுஷ் ரூ.1 கோடி நிதி | மே 17 ரிலீஸ் : இந்த வாரமும் மக்கள் தியேட்டர்களுக்கு வருவார்களா? | நான் எந்தக் கட்சியும் சாராதவன் - அல்லு அர்ஜுன் விளக்கம் | மீண்டும் தமிழுக்கு வரும் திகங்கனா சூரியவன்ஷி | சினிமாவில் தொடர்ந்து நடிக்காதது ஏன் : மோகன் விளக்கம் | தமிழில் வெளியாகும் 'டபுள் ஐ-ஸ்மார்ட்' |
விஜய்சேதுபதி, திரிஷா நடிப்பில் வெளியான 96 படத்தில் இளம் வயது திரிஷாவாக நடித்தவர் கவுரி கிஷன். இந்த ஒரே படத்திலேயே தனது நடிப்பால் ரசிகர்களின் மனதில் ஒரு தனி இடத்தை பிடித்த கவுரி கிஷன் தொடர்ந்து சில படங்களில் முக்கியத்துவம் வாய்ந்த கதாபாத்திரங்களில் நடித்து வந்தார். சமீபத்தில் வெளியாகி வரவேற்பு பெற்ற ‛அடியே' திரைப்படத்தின் மூலம் முதல் முதலாக கதாநாயகியாகவும் தனது திறமையை வெளிப்படுத்தி இருந்தார் கவுரி கிஷன்.
இன்னொரு பக்கம் மலையாளத்திலும் கவனம் செலுத்தி நடித்து வரும் கவுரி கிஷன் தற்போது ‛லிட்டில் மிஸ் ராவுத்தர்' என்கிற படத்திலும் கதாநாயகியாக நடித்துள்ளார். இந்த படத்தை விஷ்ணு தேவ் என்பவர் இயக்கியுள்ளார். இந்த படத்தின் கதையை எழுதி உள்ள செர்ஷா ஷெரீப் என்பவர் இந்த படத்தில் கதாநாயகனாகவும் நடித்துள்ளார்.
6.2 அடி உயரமுள்ள சினிமாவில் உதவி இயக்குனராக பணிபுரியும் கதாநாயகனுக்கும் வசதியான குடும்பத்தை சேர்ந்த 5 அடி உயரம் உள்ள கதாநாயகிக்கும் இடையே ஏற்படும் காதலும் அது சார்ந்த பிரச்னையும் தான் இந்த படத்தின் கதை. கடந்த அக்டோபர் 6ம் தேதியே வெளியாக வேண்டிய இந்த திரைப்படம் சில காரணங்களால் தள்ளிப்போய் வரும் அக்டோபர் 12ம் தேதி ரிலீசாக இருக்கிறது.