Dinamalar

50 வயது கடந்த ஆண்களுக்கு மனைவியே இரண்டாம் தாய் : நடிகர் சிவகுமார்

பல்லடம் : ''ஐம்பது வயது கடந்த ஆண்களுக்கு மனைவியே இரண்டாம் தாய்,'' என, பல்லடத்தில் நடிகர் சிவகுமார் கருத்து தெரிவித்தார்.

பல்லடம் வனம் அமைப்பின் வனாலயம் அடிகளார் அரங்கில், நடிகர் சிவகுமாரின் 'குரல் 100 - திருக்குறள் உரை' நிகழ்ச்சி நேற்று நடந்தது. வனம் அமைப்பின் தலைவர் சுவாதி சின்னசாமி தலைமை வகித்தார். செயலாளர் சுந்தரராஜ் வரவேற்றார். செயல் தலைவர் பாலசுப்ரமணியம், பியோ தலைவர் சக்திவேல் மற்றும் ராம்ராஜ் காட்டன் நிறுவனர் நாகராஜன் முன்னிலை வகித்தனர்.

நடிகர் சிவகுமார் பேசியதாவது : கொங்கு தமிழ் பாரம்பரியத்தை நான் விட்டு சென்று 60 ஆண்டுகளுக்கு மேல் ஆகிறது. ஆனால், ஒருபோதும் என்னால் இவற்றை மறக்க முடியாது. ஏனெனில், இவையெல்லாம் எனது ரத்தத்தில் ஊறியவை. விநாயகர், முருகன், சிவன் என கடவுள்களை நாம் தான் உருவகப்படுத்தி உள்ளோம். படைப்பு கடவுளாக இருப்பவர்கள் தான் பெண்கள். ஏனெனில், இந்த உடலில் உள்ள கண், காது, மூக்கு, வாய் உள்ளிட்ட அனைத்தையும் கொடுத்தவர்கள் தாயாக விளங்கும் பெண்கள் தான்.

உலகில், கணவனை இழந்து தனியாக வாழும் பெண்களை பார்க்கலாம். ஆனால், மனைவியை இழந்த, 50 ஆண்டு வாழ்பவர்கள் யாரும் இருக்க முடியாது. ஐம்பது வயது கடந்த அனைத்து ஆண்களுக்கும், அவரவர் மனைவி தான் இரண்டாம் தாய். எனது உயிர் போக வேண்டும் என்று நான் ஆசைப்பட்டால் அது எனது மனைவியின் மடியில் தான் போக வேண்டும் என்று விரும்புகிறேன். அப்படிப்பட்ட தாயை வணங்குங்கள். நான் எனது மனைவியை அப்படித்தான் வணங்கி வருகிறேன்.

இவ்வாறு அவர் பேசினார்.

• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு
• 
  அக்ஷய் குமாரின் ஹிந்தி படத்தில் கெஸ்ட் ரோலில் நடிக்கும் மோகன்லால்
• 
  'பிக் பாஸ்' ஹிந்தி, சீசன் 19 ஆரம்பம்
• 
  இந்தியாவில் 400 கோடி வசூல் கடந்த 'சாயரா'
• 
  பிரியதர்ஷன் படப்பிடிப்புக்காக கேரளாவில் முகாமிட்ட அக்ஷய் குமார் - சைப் ...

• 
  சிவகார்த்திகேயனை தொடர்ந்து ராகவா லாரன்ஸூக்கு வில்லன் ஆன ரவி மோகன்!
• 
  தமிழில் ‛வானம்' படம் உருவானது எப்படி? இயக்குனர் விளக்கம்!
• 
  நடிப்பதை விட படம் தயாரிப்பதில் மகிழ்ச்சி: சிவகார்த்திகேயன்
• 
  கல்லூரி சாலை ‛ஜெய்சங்கர் சாலை' ஆனது: அரசாணை வெளியீடு
• 
  மறைந்த நடிகை ஸ்ரீதேவியின் ஈசிஆர் சொத்துக்களை அபகரிக்க முயற்சி! ...