Dinamalar

33 நாட்களில் 3 படங்கள் ரிலீஸ் : மீண்டும் பிஸியான மகிமா நம்பியார்

தமிழில் சாட்டை, குற்றம் 23, கொடிவீரன் உள்ளிட்ட பல படங்களில் நடித்து பிரபலமானவர் நடிகை மகிமா நம்பியார். கடந்த பத்து வருடங்களாக சீரான இடைவெளியில் படங்களில் நடித்து தமிழில் தனக்கென ஒரு இடத்தை தக்க வைத்துக் கொண்டுள்ளார். கடந்த ஆகஸ்ட் 28ம் தேதி மலையாளத்தில் இவர் நடித்த ஆர்டிஎக்ஸ் என்கிற திரைப்படம் வெளியானது. மிகப்பெரிய வெற்றி பெற்ற இந்த படம் தற்போது 50 கோடி வசூல் கிளப்பிலும் இணைந்துள்ளது.

இந்த சந்தோஷத்தில் இருக்கும் மகிமாவுக்கு இந்த செப்டம்பர் மாதம் அடுத்தடுத்து அவர் நடித்த இரண்டு படங்கள் வெளியாக இருக்கின்றன. அதிலும் குறிப்பாக ரசிகர்களின் அதிக எதிர்பார்ப்புக்கு ஆளான சந்திரமுகி 2 திரைப்படத்தில் மகிமா நம்பியார் நடித்துள்ளார். இந்த படம் வரும் செப்டம்பர் 15ம் தேதி வெளியாக இருக்கிறது. இந்த படத்தில் கங்கனா தான் கதாநாயகி என்றாலும் அவர் பிளாஷ்பேக் காட்சிகளில் மட்டுமே வருவதால் நிகழ்காலத்தில் ராகவா லாரன்ஸின் ஜோடியாக மகிமா நம்பியார் தான் கதாநாயகியாக நடித்துள்ளார்.

அதேபோல விஜய் ஆண்டனிக்கு ஜோடியாக சி.எஸ் அமுதன் இயக்கத்தில் இவர் நடித்துள்ள ரத்தம் திரைப்படமும் வரும் செப்டம்பர் 28ஆம் தேதி வெளியாக இருக்கிறது. அந்த வகையில் 33 நாட்களுக்குள்ளேயே மகிமாவின் மூன்று படங்கள் அடுத்தடுத்து வெளியாவது அவரது திரையுலக பயணத்தில் அடுத்த கட்டத்தை நோக்கி நகர அவருக்கு உதவியாக இருக்கும் என்பதில் சந்தேகம் இல்லை.

• 
  அமெரிக்காவில் ஜாக்கி சானுடன் ஹிருத்திக் ரோஷன் சந்திப்பு
• 
  மீண்டும் ரா ஏஜென்ட் கபீர் ரோலில் ஹிருத்திக் ரோஷன்
• 
  ஹிந்தி நடிகர் சதீஷ் ஷா காலமானார்
• 
  பவர்புல்லான சவுண்ட் ஸ்டோரி : விவேக் ஓபராய்
• 
  பாலிவுட் என்று அழைக்காதீர்கள் : ஜெயா பச்சன் காட்டம்

• 
  டிவி நிகழ்ச்சியில் சவுந்தர்யாவை நினைத்து கண் கலங்கிய ரம்யா கிருஷ்ணன்
• 
  மீண்டும் பாலகிருஷ்ணா ஜோடியாக நயன்தாரா நடிப்பது ஏன்
• 
  ‛டூரிஸ்ட் பேமிலி' இயக்குனருக்கு பிஎம்டபுள்யூ கார் பரிசு
• 
  மாதவன், கங்கனா படத்தின் தலைப்பு என்ன தெரியுமா?
• 
  என் துயரத்தை சிலர் கொண்டாடினர் : சமந்தா