Dinamalar

மாமன்னன் - ரவீணாவின் பதிவை கொண்டாடும் நெட்டிசன்கள் : போட்டோவை நீக்கிய பகத் பாசில்

டப்பிங் ஆர்டிஸ்ட்டான ரவீணா ரவி, ஒரு கிடாயின் கருணை மனு என்ற படத்தில் நடிகையாக அறிமுகமானார். அதன் பிறகு ராக்கி, வீரமே வாகை சூடும், லவ் டுடே, மாமன்னன் என பல படங்களில் முக்கிய கதாபாத்திரங்களில் நடித்தார். இதில் மாரி செல்வராஜ் இயக்கத்தில் வெளியான மாமன்னன் படத்தில் ரத்தினவேல் பாண்டியன் என்ற வில்லன் வேடத்தில் நடித்த பகத் பாசிலுக்கு மனைவியாக நடித்தார்.

இந்த நிலையில் தனது டுவிட்டரில் அவர் வெளியிட்டுள்ள ஒரு பதிவில், ‛‛மாமன்னன் படத்தில் நான் நடித்த கதாபாத்திரத்திற்கு இவ்வளவு அன்பு கிடைக்கும் என்று எதிர்பார்க்கவே இல்லை. ஜோதி எப்போதும் என் மனதுக்கு நெருக்கமாக இருப்பாள் நன்றி'' என பதிவிட்டுள்ளார் ரவீணா.

இதையடுத்து நெட்டிசன்கள் பலரும் ரத்தினவேல் பாண்டியன் தன்னுடைய மனைவியை எம்எல்ஏ-வாக ஆக்கி அழகு பார்த்தார். அவரது பேரவை சார்பாக நாங்கள் தெரிவித்துக் கொள்கிறோம் என ரவீணாவின் இந்த பதிவுக்கு ஆதரவாக தங்களது கருத்துக்களை பதிவிட்டு வருகிறார்கள்.

இதற்கிடையே மாமன்னன் படத்தில் பகத் பாசில் நடித்த காட்சிகளை எடிட் செய்து அதன் பின்னணியில் ஜாதி பெருமைகளை கூறும் பாடல்களை இணைத்து பலரும் சோசியல் மீடியாவில் வைரலாக்கி பரபரப்பை ஏற்படுத்தி வருகிறார்கள். நெட்டிசன்கள் தன்னை வைத்து ஜாதி பெருமை பேச தொடங்கி விட்டதால் அதிர்ச்சி அடைந்த பகத் பாசில், தன்னுடைய சோசியல் மீடியா பக்கத்தில் பதிவிட்டு இருந்த மாமன்னன் படத்தின் போஸ்டரை தற்போது நீக்கி இருக்கிறார் என்பது குறிப்பிடத்தக்கது.

• 
  மறு உத்தரவு வரும் வரை கேரளா ஸ்டோரி 2 ரிலீஸை நிறுத்திவைத்த கேரள ...
• 
  தடை செய்யப்பட்ட துரந்தர் படம் பார்ப்பதற்காகவே இந்தியா வந்தார்கள் : ...
• 
  பிரியங்கா சோப்ராவின் தி பிளப் ஓடிடியில் வெளியானது
• 
  என்னை வேறொரு கோணத்தில் காட்டும் படம்: ஜதின் சர்னா
• 
  கேரளா ஸ்டோரி 2 வெளியீடு குறித்து வழக்கு, அடுத்தக்கட்ட நகர்வு என்ன

• 
  காலையில் தெலுங்கு முறைப்படி, மாலையில் கொடவா முறைப்படி…விஜய் தேவரகொண்டா, ...
• 
  சிம்புவை வைத்து வரலாற்று படத்தை திட்டமிட்ட ராஜூ முருகன்!
• 
  சம்பளத்தை அதிரடியாக உயர்த்திய பிரதீப் ரங்கநாதன்!
• 
  திருமணத்தை நம்ப முடியவில்லை : அமலாபால் ஓபன் டாக்
• 
  ஜி.வி.பிரகாஷின் 'மென்டல் மனதில்' படத்தின் முதல் லிரிக்கல் வீடியோ ...