Dinamalar

தெலுங்கு திரைப்பட வர்த்தக சபை தலைவரான 'வாரிசு' தயாரிப்பாளர்

வம்சி பைடிப்பள்ளி இயக்கத்தில், விஜய், ராஷ்மிகா, சரத்குமார் மற்றும் பலர் நடித்து இந்த வருட பொங்கலுக்கு வெளிவந்த 'வாரிசு' படத்தின் தயாரிப்பாளரான தெலுங்கு திரையுலகத்தைச் சேர்ந்த தில் ராஜு, தெலுங்கு திரைப்பட வர்த்தக சபை தலைவராக தேர்ந்தெடுக்கப்பட்டுள்ளார்.

இதற்காக நடைபெற்ற தேர்தலில் அவரை எதிர்த்து போட்டியிட்ட தயாரிப்பாளர் கல்யாணை விட 17 வாக்குகள் அதிகம் பெற்று வெற்றி பெற்றுள்ளார். தில் ராஜுவுக்கு 48 வாக்குகளும், கல்யாணுக்கு 31 வாக்குகளும் கிடைத்தன. அவரது அணியைச் சேர்ந்தவர்கள் நிர்வாகக் குழு, தியேட்டர் ஓனர்கள், வினியோகஸ்தர்கள், ஸ்டுடியோ, தயாரிப்பாளர்கள் ஆகியவற்றில் மெஜாரிட்டியாக தேர்ந்தெடுக்கப்பட்டுள்ளார்கள். 1600 உறுப்பினர்களில் 1339 பேர் வாக்களித்துள்ளனர்.

தெலங்கானாவிலிருந்து மக்களவை உறுப்பினராக தேர்வாக வாய்ப்புகள் இருந்தும் அரசியலை விடுத்து, திரைப்பட சங்கத்தில் பணியாற்ற விரும்புவதாக அவர் தெரிவித்துள்ளார். 'வாரிசு' படம் வெளிவந்த போது அவருக்கு தெலுங்குத் திரையுலகத்தில் கடும் எதிர்ப்புகள் எழுந்தன. நேரடித் தெலுங்குப் படத்தை விடவும், அவர் தயாரித்த தமிழ்ப் படத்தின் தெலுங்கு டப்பிங்கான 'வாரசுடு' படத்தை அதிக தியேட்டர்களில் வெளியிட முயன்றார், நேரடி தெலுங்குப் படங்களுக்கு தியேட்டர்கள் கிடைக்காமல் செய்தார் என குற்றம் சாட்டியிருந்தார்கள்.

• 
  ரங்தே பசந்தி 20ம் வருட நிறைவு : படக்குழுவினருடன் சேர்ந்து கொண்டாடிய ...
• 
  துரந்தர் 2 படத்தில் சிறப்பு தோற்றத்தில் நடித்த விக்கி கவுசல், யாமி கவுதம்
• 
  கணவர் அபிஷேக் பச்சனுக்கு பிறந்தநாள் வாழ்த்து சொன்ன ஐஸ்வர்யா ராய்
• 
  ஆன்லைன் விளையாட்டு மோகத்தால் மூன்று இளம் பெண்கள் தற்கொலை ; சோனு சூட் ...
• 
  அனிமல் 2ம் பாகத்திற்கு அனிமல் பார்க் டைட்டில் ஏன் ? ; சந்தீப் ரெட்டி வங்கா ...

• 
  பிரதீப் ரங்கநாதன் படத்தில் கதையின் நாயகியாக மமிதா பைஜூ
• 
  சமூகத்தை திருப்திப்படுத்த திருமணம் செய்ய மாட்டேன் : சிம்பு
• 
  பிச்சைக்காரன் 3 பிரமாண்டமாக உருவாகும் : விஜய் ஆண்டனி
• 
  காதலர் தினத்தில் வெளியாகும் சீதா பயணம் படத்திற்கு யு சான்றிதழ்
• 
  ரஜினி, கமல் இணையும் படம் : மகள்கள் பங்கு இருக்குமா?