Dinamalar

யோக்கியன் : ஒரே நேரத்தில் ஓடிடி, தியேட்டரில் வெளியாகிறது

மூன் ஸ்டார் பிக்சர்ஸ் சார்பில் வி.மாதேஷ் தயாரித்துள்ள படம் யோக்கியன். இதில் ஜெய்ஆகாஷ் தந்தை, மகன் என் இரட்டை வேடத்தில் நடித்திருக்கிறார். ஹீரோயின்களாக கவிதா, ஆர்த்தி சுரேஷ், குஷி நடித்துள்ளனர். பால் பாண்டி ஒளிப்பதிவு செய்திருக்கிறார். ஜூபின் இசை அமைத்திருக்கிறார். சாய் பிரபா மீனா இயக்குகிறார். இந்த படம் முதன் முறையாக ஒரே நேரத்தில் நாளை (28ம் தேதி) தியேட்டர் மற்றும் 'ஏ கியூப் மூவிஸ் ஆப்' என்ற ஓடிடி தளத்தில் வெளியாகிறது.

இதுகுறித்து ஜெய் ஆகாஷ் கூறியதாவது: ஒரே நேரத்தில் தியேட்டரிலும், ஒடிடியிலும் 'யோக்கியன்' படம் ஜூலை 28ம் தேதி ரிலீஸ் ஆகிறது. என்னுடைய உதவி இயக்குனர் சாய் பிரபா மீனா இந்த படத்தை இயக்கியிருக்கிறார். இந்த படத்தில் தந்தை, மகன் என இரட்டை வேடத்தில் நடித்திருக்கிறேன். இதற்காக நான் மட்டுமல்ல பட குழுவினர் அனைவரும் கடினமாக உழைத்திருக்கிறார்கள்.

கெட்ட போலீஸ் அதிகாரியின் மகன் எப்படியிருக்கிறான் என்பதை மையமாக கொண்டு இக்கதை உருவாகியுள்ளது. அத்துடன் நல்ல பாடல், இசை, காட்சிகள் என கமர்ஷியல் அம்சங்களுடன் படம் வந்திருக்கிறது. நல்லவன் கெட்டவன் ரோல்களில் ஹீரோக்கள் நடிக்கின்றனர். அப்படியொரு முயற்சியாகவே நான் இதில் நடித்திருக்கிறேன். ஹீரோவாக மட்டுமல்லாமல் வில்லனாகவும் நடிப்பேன் என்பதை இதில் காணலாம். இவ்வாறு அவர் கூறினார்.

• 
  முதன்முதலாக குழந்தையை அறிமுகப்படுத்திய தீபிகா, ரன்வீர் சிங்
• 
  அட்லி - அல்லு அர்ஜூன் படம் ஒரு சினிமா புரட்சி! ரன்வீர் சிங் வெளியிட்ட தகவல்
• 
  அமிதாப் பச்சனின் தீபாவளி கொண்டாட்டத்தில் மகளுடன் ஆப்சென்ட் ஆன ஐஸ்வர்யா ...
• 
  ‛பேட்டில் ஆப் கல்வான்' படப்பிடிப்பில் சல்மான்கானுக்கு மொபைல் போன் ...
• 
  காதலருடன் ஹூமா குரேஷிக்கு நிச்சயதார்த்தம் நடந்ததா?

• 
  ஹீரோ ஆனார் இயக்குனர் லோகேஷ் கனகராஜ்
• 
  ‛சக்தி திருமகன்' முதல் ‛ஓஜி' வரை : இந்த வார ஓடிடி ஸ்பெஷல்....!
• 
  'பைசன்' படத்தை பாராட்டிய பா.ஜ.,வின் முன்னாள் தலைவர் அண்ணாமலை!
• 
  ஹாட்ரிக் ரூ.100 கோடி வசூலை தந்த பிரதீப் ரங்கநாதன்
• 
  அக்டோபர் 31ல் நெட் பிளிக்ஸ் ஓடிடி தளத்தில் வெளியாகும் தனுஷின் இட்லி கடை!