ஆந்திர முதல்வராக நடிக்கிறார் ஜீவா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

26 ஜூலை, 2023 - 01:40 IST

எழுத்தின் அளவு:

ஆந்திர முன்னாள் முதல்வர் ஒய்.எஸ்.ராஜசேகர ரெட்டியின் வாழ்க்கையைத் தழுவி 'யாத்ரா' என்ற படம் தெலுங்கில் 2019ம் ஆண்டு வெளியானது. மஹி வி ராகவ் இயக்கிய படத்தில் ஒய்.எஸ்.ஆர் கேரக்டரில் மம்மூட்டி நடித்திருந்தார். இந்த படம் கட்சிகாரர்களிடம் வரவேற்பை பெற்றாலும் பெரிய அளவில் வெற்றி பெறவில்லை. இந்த நிலையில் தற்போது 'யாத்ரா 2' என்ற பெயரில் இதன் இரண்டாம் பாகம் தயாராகி வருகிறது. முதல் பாகத்தை இயக்கிய மஹி வி.ராகவ் இதையும் இயக்குகிறார்.

முதல்பாக கதையில் ஒய்.எஸ்.ராஜசேகர ரெட்டியின் மகனும் தற்போதைய ஆந்திர மாநில முதல்வருமான ஜெகன்மோகன் ரெட்டி சிறுவனாக இருந்தார். இந்த பாகத்தில் அவர் கல்லூரி மாணவன் மற்றும் அரசியலுக்குள் நுழையும் தருவாயில் உள்ளவராக வருகிறார். அவரது கேரக்டரில் முதலில் சூர்யா நடிப்பதாக இருந்தது. பின்னர் ஏனோ அந்த திட்டம் கைவிடப்பட்டு தற்போது ஜீவா நடிக்கிறார் என்ற தகவல்கள் வெளியாகி உள்ளது. இதற்காக ஐதராபத்தில் போட்டோ ஷூட் நடத்தப்பட்டு அது திருப்திகரமாக அமைந்துள்ளது என்று கூறப்படுகிறது. விரைவில் ஜெகன்மோகன் ரெட்டி தோற்றத்தில் ஜீவா இருக்கும் படத்துடன் அறிவிப்பு வெளியாகலாம் என எதிர்பார்க்கப்படுகிறது.

ActorJeeva

ActorJiiva

Jaganmohanreddy

கருத்துகள் (0) கருத்தைப் பதிவு செய்ய

31 வருடங்களுக்கு பிறகு படம் இயக்கும் ...

பெண் சக்திக்கு எடுத்துக்காட்டு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய