Dinamalar

'ஆதிபுருஷ்' - தெலுங்கு வியாபாரம் எவ்வளவு ?

ஓம் ராவத் இயக்கத்தில், பிரபாஸ், கிரித்தி சனோன், சைப்அலிகான் மற்றும் பலர் நடிப்பில் உருவாகியுள்ள படம் 'ஆதி புருஷ்'. இப்படம் ஹிந்தி, தெலுங்கு, தமிழ், கன்னடம், மலையாளம் ஆகிய மொழிகளில் இந்த வாரம் ஜுன் 16ம் தேதி வெளியாக உள்ளது. இப்படத்தின் தெலுங்கு வியாபாரம் பற்றிய தகவல்கள் வெளியாகி உள்ளது.

சுமார் 500 கோடி ரூபாய் செலவில் தயாராகியுள்ள இப்படத்தின் தெலுங்கு பதிப்பிற்கான தியேட்டர் வெளியீட்டு உரிமை 120 கோடிக்கும், அனைத்து மொழிகளுக்குமான ஓடிடி உரிமை 250 கோடிகளுக்கும் விற்கப்பட்டுள்ளதாகச் சொல்கிறார்கள். மற்ற மொழிகளுக்குமான தியேட்டர் உரிமைகளைச் சேர்த்தால் படத்தின் பட்ஜெட் அளவிற்கு வியாபாரம் நடந்திருக்க வாய்ப்புள்ளது என்கிறார்கள்.

இருப்பினும் பிரபாஸ் நடித்து இதற்கு முன்பு வெளிவந்த 'பாகுபலி 2, சாஹோ' ஆகிய படங்களின் வியாபார அளவிற்குத்தான் இந்த 'ஆதிபுருஷ்' படத்தின் வியாபாரமும் நடந்துள்ளதாம். 'சாஹோ, ராதேஷ்யாம்' ஆகிய படங்கள் தெலுங்கில் வெற்றி பெறாத காரணத்தால் இந்தப் படத்திற்கான வியாபாரம் உயரவில்லை என்று சொல்கிறார்கள்.

தெலுங்கு மாநிலங்களான ஆந்திரா, தெலங்கானா ஆகியவற்றைச் சேர்த்து நடந்துள்ள 120 கோடி வியாபாரத்தை நஷ்டமில்லாமல் மீட்க 200 கோடி வரை வசூலித்தாக வேண்டுமாம். தெலுங்கு ரசிகர்கள் எப்படியும் படத்தை வெற்றி பெறச் செய்துவிடுவார்கள் என்ற நம்பிக்கை படக்குழுவினருக்கு இருக்கிறது.

• 
  மனநல தூதர் ஆனார் தீபிகா
• 
  செருப்பு அணிந்து அபுதாபி மசூதிக்குள் சென்றாரா சோனாக்ஷி சின்ஹா?
• 
  பண்ணை வீடு திருட்டு சம்பவம் ; துப்பாக்கி லைசென்ஸுக்கு விண்ணப்பித்த ...
• 
  சுஹர்ஷ் ராஜ் நடித்த மியூசிக் வீடியோ: அனூப் ஜலோடா, பாடகி மதுஸ்ரீ பாராட்டு
• 
  ஹ்ரித்திக் ரோஷன் தயாரிப்பில் உருவாகும் புதிய வெப் தொடர்

• 
  2025, இந்தியாவில் 500 கோடி கடந்த இரண்டாவது படம் 'காந்தாரா சாப்டர் 1'
• 
  போன வாரமும் ஏமாற்றம் : தீபாவளியாவது களை கட்டுமா?
• 
  அக்கா, தங்கை, அம்மாவாக நடிப்பேன்: ரஜிஷா விஜயன்
• 
  அன்றும்... இன்றும்... மணிகண்டனின் தன்னம்பிக்கைப் பதிவு
• 
  சினிமா வருமானம் போச்சு: அமைச்சர் பதவியை ராஜினாமா செய்ய சுரேஷ் கோபி முடிவு