Dinamalar

விடாமுயற்சி - நள்ளிரவில் வெளியான அஜித் 62 அறிவிப்பு

'துணிவு' படம் வெளியான பின் அஜித் நடிக்கப் போகும் அவரது 62வது படம் பற்றி சர்ச்சைகள்தான் வர ஆரம்பித்தது. கடந்த வருடம் அப்படத்தை இயக்கப் போவதாக அறிவிக்கப்பட்டிருந்த விக்னேஷ் சிவன் இயக்கப் போவதில்லை என்று சொன்னார்கள். ஆனால், அது குறித்து எந்த ஒரு அறிவிப்பையும் வெளியிடவில்லை.
விக்னேஷ் சிவனே அவரது டுவிட்டர் தளத்திலிருந்து அஜித் 62 இயக்குனர் என்பதை நீக்கிய பின்தான் வெளிவந்த சர்ச்சைகள் உண்மைதான் என ரசிகர்களுக்குத் தெரிந்தது. இந்நிலையில் அஜித்தின் 62வது படத்தை இயக்கப் போவது மகிழ் திருமேனி என செய்திகள் வெளிவந்தன.
அதை நிஜமாக்கும் விதத்தில் இன்று(மே 01) நள்ளிரவில் 'விடாமுயற்சி' என்ற தலைப்பில் அஜித்தின் 62வது பட அறிவிப்பை வெளியிட்டுள்ளனர். இன்று அஜித்தின் பிறந்தநாள் என்பது குறிப்பிடத்தக்கது.
அனிருத் இசையமைக்க, நீரவ் ஷா ஒளிப்பதிவு செய்கிறார் என்பது மட்டுமே இன்று வெளியான டைட்டில் போஸ்டர் அறிவிப்பில் உள்ளது. கடந்த வருடம் அறிவிக்கப்பட்டபடி விக்னேஷ் சிவன் இப்படத்தை இயக்கவில்லை என்பதை எந்த ஒரு பத்திரிகைக் குறிப்பாகவும் வெளியிடாமல் நேரடியாக இந்த அறிவிப்பை வெளியிட்டுள்ளனர். அஜித் சுற்றுப் பயணம் முடித்து வந்த பிறகு இப்படத்தின் படப்பிடிப்பு ஆரம்பமாகும் எனத் தெரிகிறது.

• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'

• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...
• 
  ‛கஜினி' சிக்ஸ்பேக்கிற்கு அஜித் தான் காரணம் : ஏ.ஆர்.முருகதாஸ் தகவல்
• 
  சன்னி லியோன் நடித்த படத்தின் மூன்றாம் பாகத்தில் தமன்னா
• 
  ஜனநாயகன் இசை விழாவில் கலந்து கொள்ள ரஜினி, கமலுக்கு அழைப்பா?
• 
  '18 மைல்ஸ் தாரணா' : ‛பேச்சுலர்' இயக்குனரின் அடுத்த பட அப்டேட்