Dinamalar

கன்னடத்தில் அறிமுகமாகும் மிஷா நரங்

மும்பை மாடல் அழகியான மிஷா நரங் தெலுங்கில் அறிமுகமானார். தமிழில் விமல் ஜோடியாக 'துடிக்கும் கரங்கள்' படத்தில் நடித்துள்ளார். இந்த படம் இன்னும் வெளிவரவில்லை. இந்த நிலையில் தற்போது அவர் கன்னட படத்தில் அறிமுகமாகிறார். மஞ்சு ஸ்வராஜ் இயக்கும் படத்தில் அஜய்ராவ் ஜோடியாக நடிக்கிறார். படத்திற்கு இன்னும் டைட்டில் வைக்கவில்லை.

இதுகுறித்து மிஷா நரங் கூறியதாவது: கேஜிஎப், காந்தாரா படங்கள் மூலம் கன்னட சினிமா, உலகத்தின் கவனத்தை பெற்றிருக்கும் நேரத்தில் நான் கன்னடத்தில் அறிமுகமாவது பெருமையாக உள்ளது. எந்த மொழியில் நடித்தாலும் அந்த மொழியை, கலாச்சாரத்தை கற்றுக் கொள்ள நினைப்பேன். தெலுங்கு, தமிழை ஓரளவுக்கு கற்றுக் கொண்டேன். இப்போது கன்னடம் கற்று வருகிறேன். அதோடு நேரம் கிடைக்கும்போது கர்நாடக மாநிலத்தில் சுற்றுப் பயணம் செய்து அந்த மக்களை புரிந்து கொள்ள முயற்சிக்கிறேன்.

மைசூரில் படப்பிடிப்பு நடந்தபோது புகழ்பெற்ற சாமுண்டி மலைகள் மற்றும் மைசூர் அரண்மனையை சுற்றிப் பார்த்தேன். சாமுண்டேஸ்வரி கோவிலில் நேர்மறையான அதிர்வுகளை உணர்ந்தேன். அதனால் கன்னட சினிமாவில் குறிப்பிடத்தக்க இடத்தை பிடிக்க முடியும் என்ற நம்பிக்கை வந்திருக்கிறது. என்கிறார் மிஷா.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்