Dinamalar

இரண்டிரண்டு நாயகர்ளுடன் பத்து தல Vs விடுதலை

தமிழ் சினிமாவில் ஒரே படத்திலேயே இரண்டு கதாநாயக நடிகர்கள் நடித்து வெளிவரும் படங்கள் என்பதெல்லாம் மிகவும் அபூர்வம். அடுத்த வாரம் மார்ச் கடைசி வாரத்தில் வெளியாக உள்ள இரண்டு முக்கிய படங்களில் இரண்டு கதாநாயக நடிகர்கள் நடித்துள்ளார்கள்.

மார்ச் 30ம் தேதி வெளியாக உள்ள 'பத்து தல' படத்தில் சிம்பு, கவுதம் கார்த்திக், மார்ச் 31ம் தேதி வெளியாக உள்ள 'விடுதலை' படத்தில் சூரி, விஜய் சேதுபதி என இரண்டு படங்களிலும் இரண்டிரண்டு நாயகர்கள் நடித்துள்ளார்கள்.

'பத்து தல' படத்தை ஒபிலி கிருஷ்ணா இயக்க, ஏஆர் ரகுமான் இசையமைத்துள்ளார். கன்னடத்தில் 2017ம் ஆண்டு வெளிவந்த 'முப்டி' படத்தின் தமிழ் ரீமேக்தான் இந்தப் படம்.

'விடுதலை' படத்தை வெற்றிமாறன் இயக்க, இளையராஜா இசையமைத்துள்ளார். இப்படம் ஜெயமோகன் எழுதிய 'துணைவன்' என்ற சிறு கதையை மையமாக வைத்து எடுக்கப்பட்டுள்ளது.

இரண்டு படங்களுமே ஆக்ஷன் படங்கள், தமிழ் சினிமாவின் முன்னணி இசையமைப்பாளர்கள் இசையமைத்துள்ள படங்கள், முன்னணி நடிகர்கள் நடித்துள்ள படங்கள் என ரசிகர்களை தியேட்டர்கள் பக்கம் வரவழைக்கக் கூடிய அம்சங்களுடன் உள்ளன. அதிக எதிர்பார்ப்புகளை ஏற்படுத்தியுள்ள இந்தப் படங்கள் வெற்றிப் படங்களாக அமையுமா என்பதற்கு ஒரு வாரம் காத்திருக்க வேண்டும்.

• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்
• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!

• 
  மலையாளத்தில் வசூல் நம்பர் 1 இடத்தைப் பிடித்த 'எல் 2 எம்புரான்'
• 
  சினிமா டிக்கெட் : உள்ளாட்சி கேளிக்கை வரி குறைக்க அரசு முடிவு ?
• 
  கூலி, இட்லி கடை - ஏட்டிக்குப் போட்டியான அறிவிப்பா?
• 
  ஆண்கள் மட்டும்தான் லுங்கி அணிய வேண்டுமா ?
• 
  கேத்ரின் தெரசாவின் பனி