Dinamalar

'வாரிசு' வசூல் போட்டவர்களுக்கு 'துணிவு' வினியோகஸ்தர் பதிலடி

விஜய் நடித்த 'வாரிசு', அஜித் நடித்த 'துணிவு' ஆகிய இரண்டு படங்கள் சில நாட்களுக்கு முன்பு ஜனவரி 11ம் தேதி உலகம் முழுவதும் வெளியானது. 'வாரிசு' படம் மட்டும் ஆந்திரா, தெலங்கானா மாநிலங்களில் அன்று வெளியாகாமல் இன்றுதான்(ஜன., 14) வெளியானது.

இந்நிலையில் கடந்த இரண்டு நாட்களாகவே எந்தப் படம் அதிக வசூலைக் குவிக்கிறது என்பது குறித்து 'நம்பர் கேம்' சண்டை ஆரம்பமானது. படம் வெளியான முதல் நாளில் 'துணிவு' படத்தின் வசூல் அதிகம் என்றும், இரண்டாம் நாளில் 'வாரிசு' படத்தின் வசூல் அதிகம் என்றும் பேச ஆரம்பித்தார்கள்.

நேற்று மாலையில் டுவிட்டர் தளத்தில் ‛டிராக்கர்கள்', ‛இன்புளூயன்சர்கள்', ‛டிரேட் அனலிஸ்ட்' என அழைக்கப்படும் சிலர் சொல்லி வைத்தாற் போல் இரண்டாம் நாளில் 'வாரிசு' வசூல்தான் அதிகம் என்ற ரீதியில் ஒரே சமயத்தில் டுவீட் போட்டனர். அவர்கள் ஒவ்வொருவருக்கும் 'துணிவு' படத்தின் வினியோகஸ்தரான ரோமியோ பிக்சர்ஸ் ராகுல் தனித்தனியாக பதிலடி கொடுத்து கமெண்ட்டுகளைப் பதிவிட்டிருந்தார்.

“தம்பி, உருட்டு, உருட்டு, உருட்டு,“, “புரோ, இருவரைத் தவிர வேறு யாருக்கும் தெரியாது”, “சியர்ஸ் புரோ, பெட்டர் லக் நெக்ஸ்ட் டைம், ஹாப்பி துணிவு பொங்கல்”, “துணிவுடன் நேரில் வந்து 'துணிவு' கலெக்ஷன் பத்தி தெரிஞ்சிக்கவும். பிரதர், உங்களுக்கு உண்மை தெரியும் என நினைக்கிறேன், ஹாப்பி துணிவு பொங்கல் புரோ” என விதவிதமாக பதிலடி கொடுத்துள்ளார்.

'வாரிசு, துணிவு' படங்களைத் தயாரித்த தயாரிப்பாளர்களுக்கு மட்டும்தான் அவற்றின் உண்மையான வசூல் என்னவென்று தெரியும். அப்படியிருக்க யார், யாரோ அவர்கள் இஷ்டத்திற்கு இப்படி பொய்யான வசூல் தகவலைப் பரப்புவதாக கோலிவுட்டில் கொந்தளிக்கிறார்கள்.

இதனிடையே, 'துணிவு' குழுவினர் 'ரியல் வின்னர்' என்றும், 'வாரிசு' குழுவினர் 'பொங்கல் வின்னர்' என்றும் ஏட்டிக்குப் போட்டியாக போஸ்டர்களை வெளியிட்டுள்ளார்கள்.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  லாயராக அதுல்யா ரவி, மீனவனாக நான் : டீசல் ரகசியம் சொல்லும் ஹரிஷ் கல்யாண்
• 
  காதல், நகைச்சுவை கதைகளில் நடிக்க ஆர்வமாக இருக்கும் ருக்மணி வசந்த்
• 
  விண்வெளியில் நான்காவது திருமணம் செய்கிறாரா ஹாலிவுட் நடிகர் டாம் குரூஸ்
• 
  அஜித் 64வது படத்தின் அறிவிப்பு எப்போது? : ஆதிக் ரவிச்சந்திரன் தகவல்
• 
  ஓடிடிக்கு வருகிறது லோகா சாப்டர் 1