Dinamalar

'அவதார் 2' ரிலீஸ் : ஒதுங்கும் தமிழ்ப் படங்கள்

ஜேம்ஸ் கேமரூன் இயக்கத்தில், 2009ல் வெளிவந்து உலக அளவில் பெரும் வரவேற்பையும், வசூலையும் குவித்த ஹாலிவுட் படம் 'அவதார்'. அப்படத்தின் இரண்டாம் பாகம், 'அவதார் - த வே ஆப் வாட்டர்' இந்த வாரம் டிசம்பர் 16ம் தேதி இந்தியாவிலும் ஆங்கிலம், தமிழ், ஹிந்தி, தெலுங்கு, கன்னடம், மலையாளம் ஆகிய ஆறு மொழிகளில் வெளியாக உள்ளது.

தமிழகத்தில் பெரும்பாலான தியேட்டர்கள் 'அவதார் 2' படத்தை வெளியிடுகின்றன. தமிழின் முன்னணி நடிகர்கள் நடிக்கும் படங்களுக்குத்தான் அதிகாலை 4 மணி சிறப்புக் காட்சிகள் நடக்கும். அது போல 'அவதார் 2' படத்திற்கும் அதிகாலை 4 மணிக்கே சிறப்புக் காட்சிகள் நடக்கின்றன. அவற்றிற்கான முன்பதிவும், மற்ற காட்சிகள், நாட்களுக்கான முன்பதிவும் விறுவிறுப்பாக நடந்து வருகிறது.

குழந்தைகள் முதல் பெரியவர்கள் வரை 'அவதார் 2' படத்தைப் பார்க்க ஆர்வம் காட்டுவார்கள். எனவே, அப்படம் வெளியாகும் நாளில் முக்கிய தமிழ்ப் படங்கள் எதுவும் வெளியாகவில்லை. 'கட்சிக்காரன், 181' என்ற இரண்டு சிறிய பட்ஜெட் படங்கள் மட்டுமே டிசம்பர் 16ம் தேதி வெளியாகும் என்று அறிவிக்கப்பட்டுள்ளன.

'அவதார் 2' படம் நன்றாக இருந்து, ரசிகர்களின் வரவேற்பைப் பெற்றுவிட்டால் அடுத்த வாரம் டிசம்பர் 23ம் தேதியும் அதிகப் படங்கள் வர வாய்ப்பிருக்காது. டிசம்பர் 22ம் தேதி விஷால் நடிக்கும் 'லத்தி' படம் வெளியாகும் என ஏற்கெனவே அறிவிக்கப்பட்டுள்ளது. 'அவதார் 2' வரவேற்பைப் பொறுத்து மற்ற படங்களின் வெளியீடுகள் அறிவிக்கப்படலாம்.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  பிளாஷ்பேக்: 70 ஆண்டுகளுக்கு முன்பே எழுந்த பாடல் சர்ச்சை
• 
  ஹீரோவான யு டியூபர்
• 
  8 மணி நேர வேலை: ஓங்கி ஒலிக்கும் நடிகைகளின் குரல்
• 
  சர்வதேச திரைப்பட விழாவில் 'அமரன்' டீம்
• 
  டிச., 27ல் மலேசியாவில் ‛ஜனநாயகன்' இசை வெளியீடு