Dinamalar

ரூ.100 கோடி வசூலைக் கடந்த ஹிந்தி 'த்ரிஷ்யம் 2'

ஜீத்து ஜோசப் இயக்கத்தில் மோகன்லால், மீனா நடிக்க 'த்ரிஷ்யம்' படத்தின் முதல் பாகம் 2013ம் ஆண்டு வெளிவந்து பெரும் வெற்றியைப் பெற்றது. அந்தப் படம் தமிழ், தெலுங்கு, கன்னடம், ஹிந்தி, சிங்களம், சீன, இந்தோனேசிய மொழிகளிலும் ரீமேக் ஆகி வெளியானது.

மலையாள மொழியின் இரண்டாம் பாகம் கடந்த வருடம் ஓடிடி தளத்தில் வெளியானது. இரண்டாம் பாகத்தை கன்னடம், தெலுங்கு, ஹிந்தி ஆகியவற்றில் ரீமேக் செய்து வெளியிட்டுள்ளார்கள். ஹிந்தி ரீமேக் அஜய் தேவகன், ஸ்ரேயா, தபு நடிக்க கடந்த வாரம் நவம்பர் 18ம் தேதி வெளியானது. அபிஷேப் பதக் இயக்கிய இந்தப் படம் ஒரு வாரத்தில் ரூ.100 கோடி வசூலைக் கடந்துள்ளது.

ஹிந்தியில் இந்தாண்டு வெளிவந்த படங்களில் குறிப்பிடத்தக்க ஒரு வெற்றியையும், வசூலையும் இந்தப் படம் பெற்றுள்ளது. சுமார் 50 கோடி செலவில் தயாராகியுள்ள இந்தப் படத்தின் தியேட்டர் வசூல் மட்டும் ரூ.100 கோடியைக் கடந்துள்ளது. ஓடிடி, சாட்டிலைட் ஆகிய உரிமைகளையும் சேர்த்தால் இந்தப் படம் பெரும் லாபத்தைக் கொடுக்கக் கூடிய ஒரு படமாக அமையப் போகிறது.

இந்த ஆண்டில் அஜய் தேவகன் கதாநாயகனாக நடித்து வெளிவந்த 'ரன் வே 34, தாங்க் காட்' ஆகிய படங்கள் தோல்வியடைந்த நிலையில் 'த்ரிஷ்யம் 2' வெற்றி அவருக்கு முக்கியமானதாக அமைந்துவிட்டது.

• 
  பாதுகாப்பு வீரர்களின் தியாகம்: சமந்தா நெகிழ்ச்சி
• 
  23வது ஆண்டில் தனுஷ்! - குபேரா படத்தின் கதாபாத்திரத்தின் பெயர் வெளியானது!
• 
  ‛ஜனநாயகன்' படத்தில் போலீஸ் வேடத்தில் நடிக்கும் விஜய்! லீக் அவுட் ஆன ...
• 
  பாடகி கெனிஷாவுடன் என்ட்ரி கொடுத்த ரவி மோகன்- ஆர்த்திக்கு ஆதரவாக குரல் ...
• 
  கமலின் 237வது படத்தை இயக்கும் அன்பறிவ் பிறந்த நாள் - வீடியோ வெளியிட்ட ...

• 
  பூல் சக் மாப் : 60 கோடி நஷ்டஈடு கேட்டு பிவிஆர் ஐநாக்ஸ் வழக்கு
• 
  12 நாட்கள் குளிக்காமல் படப்பிடிப்பிற்கு சென்றேன் : உண்மையை உடைத்த ...
• 
  கலைஞர்களுக்காகவே உருவாக்கப்பட்ட 'குங்குனாலோ' செயலி
• 
  மும்பையில் அமீர்கானை சந்தித்த அல்லு அர்ஜுன்
• 
  அமீர்கானின் 'சிதாரே ஜமீன் பர்' ரிலீஸ் தேதி அறிவிப்பு