Dinamalar

ஏஜெண்ட் கண்ணாயிரம் சந்தானம் படம் இல்லை: இயக்குனர் சொல்கிறார்

சந்தானம் நடித்து முடித்துள்ள படம் ஏஜெண்ட் கண்ணாயிரம். வஞ்சகர் உலகம் படத்தை இயக்கிய மனோஜ் பீதா இயக்கி உள்ளார். ஏஜெண்ட் சாய் ஸ்ரீனிவாச ஆத்ரேயா என்ற தெலுங்கு படத்தின் ரீமேக் இது. ரியா சுமன், ஸ்ருதி ஹரிஹரன், முனிஷ்காந்த் மற்றும் ரெடின் கிங்ஸ்லி உள்ளிட்ட பலர்உள்ளனர். லேபிரிந்த் பிலிம்ஸ் தயாரிக்கிறது. யுவன் ஷங்கர் ராஜா இசையமைத்துள்ளார். தேனி ஈஸ்வர் மற்றும் சரவணன் ராமசாமி ஒளிப்பதிவு செய்திருக்கிறார்கள்.

படம் பற்றி இயக்குனர் மனோஜ் பீதா கூறியதாவது: இது தெலுங்கு படத்தின் ரீமேக்தான் என்றாலும் பல மாற்றங்களை செய்திருக்கிறேன். இது சந்தானம் நடிக்கும் வழக்கமான காமெடி படம் அல்ல. அவரது பன்ஞ் டயலாக்கோ, டைமிங் டயலாக்கோ இருக்காது. கதாநாயகி இருந்தாலும் காதலோ, ரொமான்சோ இருக்காது.

சந்தானத்தை இதுவரை பார்க்காத கோணத்தில் காட்ட முயற்சித்திருக்கிறோம். இந்த படத்தில் அவர் ஏஜெண்ட் கண்ணாயிரமாகத்தான் தெரிவாரே தவிர சந்தானமாக தெரிய மாட்டார். இது மத ரீதியான ஒரு பிரச்னையை பற்றி துப்பறிகிற கதை. ஆனால் எந்த மதத்தையும் குறிப்பிட்டு படத்தை எடுக்கவில்லை. இதனூடே ஒரு தாய்க்கும், மகனுக்குமான பிணைப்பையும் படம் சொல்லும். காமெடி, ஆக்ஷன் போன்றவை கதைக்கு ஏற்றபடி ஆங்காங்கே இருக்கும். இந்த படம் சந்தானத்தின் கேரியரில் முக்கியமான படமாகவும் இருக்கும். இவ்வாறு அவர் கூறினார்.

• செய்திகள்
• ஆல்பம்
• வந்த படங்கள்
• வரவிருக்கும் படங்கள்
• டுவிட்டர்

• 
  ஹிந்தி நடிகர் சதீஷ் ஷா காலமானார்
• 
  பவர்புல்லான சவுண்ட் ஸ்டோரி : விவேக் ஓபராய்
• 
  பாலிவுட் என்று அழைக்காதீர்கள் : ஜெயா பச்சன் காட்டம்
• 
  முதன்முதலாக குழந்தையை அறிமுகப்படுத்திய தீபிகா, ரன்வீர் சிங்
• 
  அட்லி - அல்லு அர்ஜூன் படம் ஒரு சினிமா புரட்சி! ரன்வீர் சிங் வெளியிட்ட தகவல்

• 
  மீண்டும் விளையாட்டு படத்தை கையில் எடுக்கும் அருண் ராஜா காமராஜ்
• 
  தனுஷ் தம்பியாக நடிக்க வேண்டியது : விஷ்ணு விஷால்
• 
  பிரபாஸ் படத்தில் இணைந்த இளம் நடிகை
• 
  ரஜினிகாந்த் எடுத்த புது முடிவு?
• 
  எனக்கு ஆர்வம் இல்லை : லியோ படப்பிடிப்பில் மகன் நடிகரிடம் திரிஷா சொன்ன ...