Dinamalar

வெளியானது விஜய் பாடிய ‛ரஞ்சிதமே' பாடல் : கொண்டாடும் ரசிகர்கள்

வம்சி இயக்கத்தில் விஜய் நடிப்பில் உருவாகி வரும் திரைப்படம் ‛வாரிசு'. ராஷ்மிகா நாயகியாக நடித்துள்ளார். தில் ராஜு தயாரிக்கும் இந்தப் படத்தில், சரத்குமார், பிரகாஷ்ராஜ், பிரபு, ஷ்யாம், யோகி பாபு, சங்கீதா, குஷ்பு, சம்யுக்தா உள்ளிட்ட பலர் நடித்துள்ளனர். தமிழ் மற்றும் தெலுங்கு என இரு மொழிகளில் உருவாகி வரும் இந்த படம் வருகிற பொங்கலுக்கு வெளியாகிறது.

இந்நிலையில் வாரிசு படத்தின் முதல் பாடலான 'ரஞ்சிதமே ரஞ்சிதமே' என்ற பாடலின் லிரிக் வீடியோ இன்று(நவ., 5) மாலை 5.30 மணியளவில் வெளியானது. தமன் இசையில் விவேக் எழுதி உள்ள இந்த பாடலை நடிகர் விஜய்யே பாடி உள்ளார். அவருடன் சேர்ந்து பாடகி எம்எம் மானஸி என்பவரும் பாடி உள்ளார்.

பக்கா கிராமத்து குத்துப்பாடல் போன்று உருவாகி உள்ள இந்த பாடல் ரசிகர்களை வெகுவாக கவர்ந்துள்ளது. மேலும் இந்த பாடலுக்கு விஜய், ராஷ்மிகாவின் நடனமும் ரசிகர்களை வெகுவாக கவரும் என தெரிகிறது. லிரிக் வீடியோவில் வரும் ஒரு சில காட்சிகளிலேயே இருவரும் பிரமாதமாய் நடனம் ஆடி உள்ளார். இதற்கு ஜானி மாஸ்டர் நடனம் அமைத்துள்ளார். வெளியான 15 நிமிடத்திலேயே இந்த பாடலுக்கு ரூ.5.75 லட்சம் பார்வைகள் கிடந்தன. அரைமணிநேரத்திற்குள் 10 லட்சம் பார்வைகளை கடந்தன. ரஞ்சிதமே பாடலை ரசிகர்கள் வைரலாக்கி வருவதுடன் கொண்டாடி மகிழ்ந்து வருகின்றனர்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்