Dinamalar

பிரியதர்ஷன் படத்தில் கதாநாயகியாக காயத்ரி

நடுவுல கொஞ்சம் பக்கத்த காணோம் படத்தில் விஜய்சேதுபதிக்கு ஜோடியாக நடித்து, அந்த படத்தில் விஜய்சேதுபதி செய்யும் ஒரு காமெடி காட்சி மூலமாக ரசிகர்கள் மத்தியில் பிரபலமானவர் நடிகை காயத்ரி. ஆனால் அதைத்தொடர்ந்து அவருக்கு விஜய்சேதுபதியின் படங்களில் மட்டுமே நடிப்பதற்கு வாய்ப்பு கிடைத்து வந்தது. சில விழா மேடைகளில் கூட தமிழ் நடிகையான தனக்கு வாய்ப்பு கிடைக்கவில்லை என அவர் ஒரு குறைபட்டுக் கொண்டதையும் காண முடிந்தது.

ஆனால் சூழல் அப்படியே மாறி தற்போது சினிமாவில் ஏறுமுகத்தில் இருக்கிறார் காயத்ரி. இந்த வருடம் அவர் நடித்த மாமனிதன் திரைப்படம் விமர்சனரீதியாக பாராட்டப்பட்டது.. பல சர்வதேச விருதுகளை வென்றது. கமல், பஹத் பாசில் விஜய்சேதுபதி உள்ளிட்ட முன்னணி நடிகர்கள் நடித்த படத்தில் கதாநாயகியாக நடிக்கும் வாய்ப்பும் கிடைத்தது. அந்தப் படமும் மிகப்பெரிய வெற்றி பெற்றது. மலையாளத்தில் குஞ்சாக்கோ போனுக்கு ஜோடியாக காயத்ரி நடித்த 'என்னா தான் கேஸ் கொடு' என்கிற படமும் சமீபத்தில் வெளியாகி மிகப்பெரிய வெற்றியை பெற்றது. அந்த வகையில் தற்போது தான் காயத்ரியின் மார்க்கெட் சூடு பிடிக்க துவங்கியுள்ளது.

இந்த நிலையில் மலையாள சினிமாவின் பிரபல இயக்குனரான பிரியதர்ஷன், தான் அடுத்ததாக மலையாளத்தில் இயக்கும் புதிய படத்தில் கதாநாயகியாக காயத்ரி தான் ஒப்பந்தமாகி உள்ளார். இந்த படத்தில் கதாநாயகர்களாக அவ்வப்போது சர்ச்சைகளில் சிக்கி பரபரப்பை ஏற்படுத்தும் இளம் நடிகர்கள் ஷேன் நிகம் மற்றும் ஷைன் டாம் சாக்கோ இருவரும் நடிக்கின்றனர். இந்த படத்தை இயக்குனர் பிரியதர்ஷனே தனது போர் பிரேம்ஸ் நிறுவனம் மூலம் தயாரிக்கிறார்..

• 
  பிரியதர்ஷன் படப்பிடிப்புக்காக கேரளாவில் முகாமிட்ட அக்ஷய் குமார் - சைப் ...
• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்

• 
  மிக விரைவில் 100 மில்லியனைத் தொட்ட 'மோனிகா'
• 
  பிளாஷ்பேக்: மறைந்த எம் ஜி ஆர், மறுபடியும் திரையில் மின்னிய “அவசர போலீஸ் 100”
• 
  முதல் இரண்டு பாகங்களைப் போல திரிஷ்யம்-3 இருக்காது ; ஜீத்து ஜோசப் உறுதி
• 
  ஒரு மாதம் முழுவதும் விடியற்காலையில் மணிரத்னத்தை பின்தொடர்ந்தேன் ; ...
• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...