தமிழுக்கு வரும் சுதீர் பாபு

28 அக், 2022 - 11:40 IST

0 கருத்துகள் கருத்தைப் பதிவு செய்ய

எழுத்தின் அளவு:

பான் இந்தியா படங்கள் பெருகி வருவதால் இப்போது சினிமாவில் மொழிகளுக்கு இடையிலான இடைவெளி குறைந்து வருகிறது. டாப் ஹீரோக்கள் மட்டுமல்லாது அடுத்த வரிசை ஹீரோக்கள் தமிழுக்கு வருகிறார்கள். அந்த வரிசையில் அடுத்து வருகிறார் வளரும் இளம் தெலுங்கு நடிகரான சுதீர் பாபு.

ஸ்ரீ சுப்ரமணியேஸ்வரா சினிமாஸ் எனும் நிறுவனம் சார்பில் தயாரிப்பாளர் சுமந்த் ஜி. நாயுடுவின் தயாரிப்பில், இயக்குநர் ஞானசாகர் துவாரகா இயக்கத்தில் இது தயாராகிறது. இது சுதீர் பாபுவின் 18வது படமாகும். தற்போது படத்தின் பர்ஸ்லுக் போஸ்டர் வெளியிடப்பட்டுள்ளது.

அதில் தெற்கு மும்பையை சேர்ந்த அருண் கோலி என்பவரிடமிருந்து சித்தூர் மாவட்டம் குப்பத்தை சேர்ந்த சுப்ரமணியம் என்பவருக்கு எழுதிய உள்நாட்டு கடிதமும், அதில் '' அவசரம்: உங்களது வருகை அவசியமானது'' என குறிப்பிடப்பட்டிருக்கிறது. இந்த கடிதத்துடன் துப்பாக்கி, தோட்டாக்கள், பழைய ரூபாய் நோட்டு, தொலைபேசி மற்றும் சுருட்டு ஆகியவைகளும் இடம் பெற்றிருக்கிறது.

இதன் கதைக்களம் 1989ம் ஆண்டில் குப்பம் எனும் ஊரில் நடைபெறுவது போல் அமைக்கப்பட்டிருக்கிறது. மேலும் இந்தப் படத்தில் பணியாற்றும் நடிகர், நடிகைகள் மற்றும் ஏனைய தொழில்நுட்பக் கலைஞர்கள் பற்றிய விவரங்கள் விரைவில் அதிகாரப்பூர்வமாக அறிவிக்கப்படும் என பட நிறுவனம் சார்பில் தெரிவிக்கப்பட்டிருக்கிறது.

Sudheerbabu

கருத்துகள் (0) கருத்தைப் பதிவு செய்ய

விஷால் - அபிநயா காதல் வெறும் வதந்தி

சமந்தா நடிக்கும் யசோதாவில் வாடகை ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய