Dinamalar

'கப்ஜா' டீசருக்கு பெரும் வரவேற்பு : கன்னட சினிமாவில் மற்றுமொரு 'கேஜிஎப்' ?

சந்துரு இயக்கத்தில், ரவி பர்சூர் இசையமைப்பில், உபேந்திரா, சுதீப், ஷ்ரேயா மற்றும் பலர் நடிப்பில் உருவாகியுள்ள கன்னடப் படம் 'கப்ஜா'. இப்படத்தின் டீசர் இரு தினங்களுக்கு முன்பு செப்டம்பர் 17ம் தேதி மாலை யு டியுபில் வெளியிடப்பட்டது.

வெளியான இரண்டு நாட்களிலேயே இந்த டீசர் 2 கோடிக்கும் அதிகமான பார்வைகளைப் பெற்று ஆச்சரியப்படுத்தி உள்ளது. இந்தியா சுதந்திரம் அடைந்த 1947ம் ஆண்டு நடைபெறும் கதையாக இப்படம் உருவாக்கப்பட்டுள்ளது. சுதந்திரத்திற்குப் பிறகு இந்தியாவில் குற்றச்சம்பவங்களைச் செய்து நிழல் உலக தாதாக்கள் எப்படி உருவானார்கள் என்பதுதான் இப்படத்தின் கதை என்கிறார் படத்தின் இயக்குனர் சந்துரு.

டீசரில் உள்ள காட்சிகள், படத்தின் பிரம்மாண்டம், பின்னணி இசை ஆகியவை இந்த டீசருக்கு எதிர்பார்க்காத அளவில் வரவேற்பு கிடைக்கக் காரணமாக அமைந்துள்ளது. இரண்டு நாளில் 2 கோடி பார்வைகள் என்பதெல்லாம் சாதாரண விஷயமல்ல.

கன்னடத்திலிருந்து வந்த 'கேஜிஎப் 2' படம் இந்த ஆண்டில் 1000 கோடி வசூலைக் கடந்து சாதனை புரிந்தது. 'கப்ஜா' படத்தின் டீசருக்குக் கிடைத்த வரவேற்பால் இந்தப் படமும் 'கேஜிஎப் 2' வரிசையில் இடம் பெறும் என்ற எதிர்பார்ப்பு கன்னடத் திரையுலகத்தில் இப்போதே எழுந்துள்ளது.

பான் இந்தியா படமாக தமிழ், தெலுங்கு, மலையாளம், ஹிந்தி ஆகிய மொழிகளிலும் இப்படத்தை வெளியிட உள்ளார்கள்.

• 
  77 லட்சம் மோசடி செய்ததாக நடிகை ஆலியா பட்டின் முன்னாள் பெண் உதவியாளர் கைது
• 
  டான் 3ம் பாகத்தில் இணைந்த கிர்த்தி சனோன்!
• 
  149 நாட்கள் : வார் 2 படப்பிடிப்பை நிறைவு செய்த ஹிருத்திக் ரோஷன்
• 
  ‛ஆப் ஜெய்சா கோய்' படத்தில் என் கேரக்டர் சவாலானது : மாதவன்
• 
  தெலுங்கானாவில் ஸ்டுடியோ அமைக்க அஜய் தேவ்கன் ஆர்வம்

• 
  கார்த்தி படத்தில் இணைந்த கல்யாணி
• 
  கடந்த 40 ஆண்டுகளாக பணத்தை மதிக்காமல் இருந்தேன் : நடிகர் சசிகுமார்
• 
  ''விஜய்சேதுபதி மகன் விஜய் மாதிரி வருவார்'': வனிதா விஜயகுமார்
• 
  ஒரே நாளில் மீட்கப்பட்ட உன்னி முகுந்தனின் இன்ஸ்டாகிராம் கணக்கு
• 
  50 லட்சம் உதவி செய்வதாக பிரபாஸ் சொல்லவில்லை : காமெடி நடிகரின் குடும்பம் ...