ஏ.ஆர்.ரஹ்மான் இசையில் பாடியது பாக்கியம் ; மகிழ்ச்சியில் நீரஜ் மாதவ்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

17 செப், 2022 - 04:06 IST

எழுத்தின் அளவு:

கவுதம் மேனன் இயக்கத்தில் சிம்பு நடிப்பில் உருவான வெந்து தணிந்தது காடு படம் தற்போது வெளியாகி உள்ளது. இந்த படத்தில் முக்கிய கதாபாத்திரம் ஒன்றில் மலையாள நடிகர் நீரஜ் மாதவ் நடித்துள்ளார். மலையாள திரையுலகில் ஒரு நடன இயக்குனராக முதலில் அறிமுகமான இவர் பின்னர் நகைச்சுவை நடிகராக மாறி, தற்போது சில படங்களில் கதையின் நாயகனாகவும் நடிக்கும் அளவிற்கு வளர்ந்துள்ளார். குறிப்பாக வினித் சீனிவாசன், நிவின்பாலி ஆகியோரின் கூட்டணியில் இவரும் ஒரு முக்கியமான நடிகராக இருக்கிறார். இந்த நிலையில் கவுதம் மேனன் மூலமாக தமிழுக்கு அறிமுகமாகியுள்ள நீரஜ் மாதவ், இந்தப்படத்தில் ஒரு ராப் பாடலையும் ஏ.ஆர்.ரஹ்மான் இசையில் பாடியுள்ளார்.

கடந்த சில நாட்களுக்கு முன் நடைபெற்ற இந்த படத்தின் இசை வெளியீட்டு விழா நிகழ்ச்சியில் மேடையிலேயே ஏ.ஆர்.ரஹ்மான் முன்னிலையில் அந்த பாடலை பாடி அசத்தியுள்ளார் நீரஜ் மாதவ். இது பற்றிய தகவல்கள் பெரிய அளவில் வெளியே தெரியாத நிலையில், தற்போது படம் வெளியாகி உள்ளதை தொடர்ந்து இந்தப்பாடல் உருவான போது கவுதம் மேனன் மற்றும் ஏ.ஆர் ரஹ்மான் ஆகியோருடன் தான் புகைப்படம் ஒன்றையும் வெளியிட்டுள்ளார் நீரஜ் மாதவ்.

“தமிழில் நடிகராக மட்டுமல்ல முதல் படத்திலேயே ஏ.ஆர் ரஹ்மான் இசையில் ஒரு பாடகராகவும் அறிமுகமானது மிகப்பெரிய மகிழ்ச்சி.. கனவு நனவான தருணம் இது” என்று கூறியுள்ள நீரஜ் மாதவ், இந்தப் பாடலை வெந்து தணிந்தது காடு படத்தின் மலையாள வெர்ஷனுக்காக பாடியுள்ளார் என்பது குறிப்பிடத்தக்கது..

Neerajmadhav

ARRahman

VTK

கருத்துகள் (0) கருத்தைப் பதிவு செய்ய

மம்முட்டியுடன் முதன்முறையாக ...

வாரிசு படத்தில் இணைந்த ஸ்ரீமன் : ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய