என் படத்தை புறக்கணிக்காதீர்கள் : ஆமீர்கான் உருக்கமான வேண்டுகோள்

நீங்கள் இங்கே இருக்கிறீர்கள்: முகப்பு » பாலிவுட் செய்திகள் »

02 ஆக, 2022 - 11:53 IST

எழுத்தின் அளவு:

ஹாலிவுட்டில் வெளியாகி உலகம் முழுக்க புகழ்பெற்ற பாரஸ்ட் ஹம்ப் படத்தை பாலிவுட் நடிகர் ஆமீர்கான், ‛லால் சிங் சத்தா' என்ற பெயரில் ஹிந்தியில் ரீமேக் செய்து அவரே தயாரித்து நடித்துள்ளார். அவருடன் கரீனா கபூர், நாக சைதன்யா, மோனா சிங் உட்பட பலர் நடித்துள்ளனர். வரும் 11ம் தேதி வெளியாகிறது இந்தி, தமிழ், தெலுங்கு மொழிகளில் வெளியாகிறது.

இந்த நிலையில் இணையதளத்தில் பாய்காட் லால்சிங் சத்தா என்ற ஹேஷ்டாக் வேகமாக பரவி வருகிறது. 2015ம் ஆண்டு நாட்டில் சகிப்புத் தன்மை குறைந்து வருவதால் குழந்தைகளின் பாதுகாப்புக் கருதி நாட்டை விட்டு வெளியேறி விடலாம் என்று தனது மனைவி அறிவுறுத்தியதாகக் கூறினார். அந்த வீடியோக்களை இப்போது பகிரப்பட்டு இந்தியாவை விரும்பாதவர் படத்தை இந்தியர்கள் பார்க்ககூடாது என்று கூறி வருகிறார்கள். இதை சற்றும் எதிர்பார்க்காத ஆமீர்கான் என்னை தவறாக புரிந்து கொண்டு என் படத்தை புறக்கணிக்காதீர்கள் என்று உருக்கமான வேண்டுகோள் விடுத்திருக்கிறார்.

இதுகுறித்து அவர் கூறியிருப்பதாவது: நான் இந்தியாவை பிடிக்காதவன் என்று சிலர் நம்புவது வருத்தமாக இருக்கிறது. அது முற்றிலும் பொய். நான் என் தாய்நாட்டை மிகவும் நேசிக்கிறேன். சிலர் என்னைப் பற்றி தவறாக உணர்வது துரதிர்ஷ்டமானது. என் படங்களைப் புறக்கணிக்காதீர்கள். தயவு செய்து பாருங்கள்'' என்று தெரிவித்துள்ளார்.

Aamirkhan

Lalsinghchaddha

கருத்துகள் (0) கருத்தைப் பதிவு செய்ய

ரன்வீர் சிங்கை நிர்வாணமாக ...

தெலுங்கு திரையுலகில் திடீர் கவனம் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய