Dinamalar

பொன்னியின் செல்வன் - மணிரத்னம், விக்ரமுக்கு எதிராக வழக்கு

அமரர் கல்கி எழுதிய புகழ்பெற்ற நாவலான பொன்னியின் செல்வன் நாவலுக்கு 30 வருட பெரும் முயற்சிக்கு பிறகு திரை வடிவம் கொடுத்துள்ளார் இயக்குனர் மணிரத்னம். சோழர்கால வரலாற்றை மையப்படுத்தி உருவாகியுள்ள இந்த படத்தில் முக்கிய கதாபாத்திரங்களில் விக்ரம், கார்த்தி, ஜெயம் ரவி, ஐஸ்வர்யா ராய், திரிஷா உள்ளிட்டோர் நடித்துள்ளனர். கதை அமரர் கல்கி எழுதியது என்றாலும் சோழர்களின் வரலாற்றை மணிரத்னம் ஆய்வு செய்து இந்த படத்தின் கதாபாத்திரங்களுக்கு உருவம் கொடுத்திருக்கிறார்.

அதே சமயம் இந்த படத்தில் விக்ரமின் கதாபாத்திரம் நெற்றியில் நாமம் அணிந்திருப்பது போல போஸ்டர் வெளியாகி உள்ளது. தற்போது வழக்கறிஞர் செல்வம் என்பவர் இது குறித்து மணிரத்தினம் மீதும் விக்ரம் மீதும் நீதிமன்றத்தில் வழக்கு தொடுத்துள்ளார்.

அதில், சோழர்கள் நெற்றியில் நாமம் அணிவதில்லை என்றும் அவர்களது கதாபாத்திரத்தை இதில் தவறாக சித்தரித்துள்ளார்கள் என்றும் தனது மனுவில் குறிப்பிட்டுள்ள அவர் இந்த படத்தை தனக்கு பிரத்யேக காட்சி ஒன்றை திரையிட்டு காட்ட வேண்டும் என்றும் அதில் வேறு ஏதேனும் காட்சிகள் இதுபோன்ற இடம் பெற்றுள்ளதா என்பதை உறுதிப்படுத்திக் கொண்ட பின்னரே இந்த படத்தை வெளியிட அனுமதிக்க வேண்டும் என்றும் நீதிமன்றத்தை கேட்டுக் கொண்டுள்ளார்.

அதே சமயம் விக்ரம் நடித்துள்ள கரிகாலன் கதாபாத்திரம் ஒரு மாவீரன் மற்றும் இளவரசன் கதாபாத்திரம். அவர் போருக்கு கிளம்பும்போது வெற்றி திலகமாக குங்குமம் தரித்து செல்வது போன்று தான் அவரது புகைப்படம் இருக்கிறது. இதில் ஏன் குறை கண்டுபிடிக்கிறார்கள் என்று பொன்னியின் செல்வன் நாவலின் தீவிர வாசகர்கள் பலரும் கேள்வி எழுப்பி வருகின்றனர்.

• 
  அரபிக்குத்து பாடலுக்கு ஆட்டம் போட்ட கத்ரீனா கைப்
• 
  ஷாரூக் - அட்லியின் 'ஜவான்' ஓடிடி, சாட்டிலைட் உரிமை பல கோடி விற்பனை
• 
  ஹிந்தி பட புரமோஷனுக்காக கோவிந்தாவுடன் சாமியாடிய ராஷ்மிகா
• 
  இளவரசியாக நடிக்கும் டிகங்கனா சூர்யவன்ஷி
• 
  சஞ்சய் கேரக்டருக்கு விஷக் நாயரை தேர்வு செய்தது எப்படி? - கங்கனா விளக்கம்

• 
  விஜய் ரசிகர்களுக்கு தடியடி - வாரிசு படப்பிடிப்பு தளத்தில் பரபரப்பு
• 
  தலைமுறைகள் கடந்து மக்கள் மனதில் வாழும் தமிழகத்தின் ‛சார்லி சாப்ளின்' ...
• 
  ஆறாவது தமிழ்ப் படத்தில் ஐஸ்வர்யா ராய் : காத்திருக்கும் ரசிகர்கள்
• 
  அயோத்தியில் 'ஆதி புருஷ்' டீசர் வெளியீடு
• 
  திருப்பதியில் 'இந்தியன் 2' படப்பிடிப்பு : ஏழுமலையானை தரிசித்த காஜல்