Dinamalar

தமிழ் ராக்கர்சுடன் நேரடியாக மோதும் வெப் தொடர்

தமிழ் சினிமாவிற்கு சிம்ம சொப்பனமாக இருப்பது தமிழ் ராக்கர்ஸ் எனும் இணையதளம். புதிய படங்கள் வெளியான சில மணி நேரங்களிலேயே இந்த தளம் அந்த படத்தை வெளியிட்டு விடும், அதனை எல்லோரும் இலவசமாக பார்க்கலாம். இதனால் தயாரிப்பாளர்களும், தியேட்டர் உரிமையாளர்களும் பெரிய இழப்பை சந்தித்து வருகிறார்கள். சில தயாரிப்பாளர்கள் தமிழ் ராக்கர்சுடன் சமாதான கொடி பிடித்து தப்பித்த கதைகளும் உண்டு.

இப்படியான சூழ்நிலையில் தமிழ் ராக்கர்சை நேரடியாக எதிர்த்து தமிழ் ராக்கர்ஸ் என்ற பெயரிலேயே ஒரு வெப் சீரிஸ் தயாராகி உள்ளது. அருண் விஜய், வாணி போஜன், ஐஸ்வர்யா மேனன், அழகம் பெருமாள், வினோதினி வைத்தியநாதன் மற்றும் எம்.எஸ்.பாஸ்கர் உள்பட பலர் நடித்துள்ளனர். அறிவழகன் இயக்கும் இந்த தொடரை, ஏவிஎம் புரடக்சன்ஸ் நிறுவனம் தயாரித்துள்ளது.

தொடர்குறித்து அறிவழகன் கூறியதாவது: ஏவிஎம் புரடக்சன்ஸ் மற்றும் சோனிலிவ் நிறுவனத்துடன் இணைந்து இந்த தொடரை உருவாக்குவது மிகுந்த மகிழ்ச்சி. தமிழ் ராக்கர்ஸ் காவலதிகாரி ருத்ராவின் கதை. சைபர் க்ரைமின் இருண்ட பக்கத்தையும், பொழுதுபோக்குத் துறை அதனுடன் எவ்வாறு போராடுகிறது என்கிற உண்மையையும் இந்த தொடர் வெளிப்படுத்தும். என்றார்.

இந்த தொடர் தமிழ் ராக்கர்சுக்கு எதிராக நேரடியாக உருவான தொடர் என்றாலும் இதை எதிர்த்து தமிழ்ராக்கர்ஸ் சட்ட நவடிக்கை எதுவும் எடுக்க முடியாது. காரணம் தமிழ்ராக்கர்சே ஒரு சட்டவிரோத இணையதளம்.

• 
  முதன்முதலாக குழந்தையை அறிமுகப்படுத்திய தீபிகா, ரன்வீர் சிங்
• 
  அட்லி - அல்லு அர்ஜூன் படம் ஒரு சினிமா புரட்சி! ரன்வீர் சிங் வெளியிட்ட தகவல்
• 
  அமிதாப் பச்சனின் தீபாவளி கொண்டாட்டத்தில் மகளுடன் ஆப்சென்ட் ஆன ஐஸ்வர்யா ...
• 
  ‛பேட்டில் ஆப் கல்வான்' படப்பிடிப்பில் சல்மான்கானுக்கு மொபைல் போன் ...
• 
  காதலருடன் ஹூமா குரேஷிக்கு நிச்சயதார்த்தம் நடந்ததா?

• 
  ரோட்டர்டாம் திரைப்பட விழாவிற்கு செல்லும் ‛மயிலா'
• 
  ரஜினி - கமல் இணையும் படம் குறித்து அப்டேட் கொடுத்த சவுந்தர்யா ரஜினி - ...
• 
  சமந்தாவின் 'மா இண்டி பங்காரம்' படப்பிடிப்பு தொடங்கியது!
• 
  கரூர் சம்பவம் தொடர்பாக விஜய்யை விமர்சித்தாரா சூரி? -அவரே கொடுத்த விளக்கம்
• 
  பிரபாஸ் படத்தில் நடிக்கும் பழம்பெரும் நடிகை காஞ்சனா