Dinamalar

10 கதாநாயகிகள் கலந்து கொள்ளும் 'லெஜன்ட்' இசை வெளியீட்டு விழா

தமிழ் சினிமாவில் எத்தனையோ இசை வெளியீட்டு விழாக்கள் பிரம்மாண்டமாக நடைபெற்றுள்ளன. ஆனால், ஒரு படத்தின் இசை வெளியீட்டு விழாவில் 10 கதாநாயகிகள் இதுவரை கலந்து கொண்டதில்லை. அப்படிப்பட்ட ஒரு ஆச்சரிய விழா நாளை மே 29ம் தேதி சென்னையில் நடைபெற உள்ளது.

சென்னையில் பிரபலமான ஸ்டோர் ஒன்றின் முதலாளியான சரவணன் கதாநாயகனாக நடிக்க, பல விளம்பரப் படங்களையும், அஜித், விக்ரம் நடித்த 'உல்லாசம்', ஷெரின், காயத்ரி ரகுராம் நடித்த 'விசில்' படங்களை இயக்கிய ஜேடி--ஜெர்ரி இயக்கும் படம் 'த லெஜன்ட்'. இப்படத்திற்கு ஹாரிஸ் ஜெயராஜ் இசையமைக்கிறார்.

இப்படத்தின் இசை வெளியீட்டு விழா நாளை சென்னையில் உள்ள நேரு உள்விளையாட்டு அரங்கில் நடைபெற உள்ளது. இந்த விழாவில் நடிகைகள் பூஜா ஹெக்டே, தமன்னா, ஹன்சிகா, ஊர்வசி ரடேலா, ராய் லட்சுமி, ஷரத்தா ஸ்ரீநாத், ஸ்ரீலீலா, யாஷிகா ஆனந்த், நுபுர் சனோன், டிம்பிள் ஹயாத்தி ஆகியோர் கலந்து கொள்ள உள்ளார்கள்.

இப்படத்தின் இசை வெளியீட்டு விழா ஏற்கெனவே நடைபெற்றிருக்க வேண்டியதாம். ஆனால், 'விக்ரம்' படத்தின் இசை வெளியீட்டு விழாவை நடத்த வேண்டும் என கமல்ஹாசன் தரப்பில் கேட்டுக் கொண்டதால் 'த லெஜன்ட்' படத்தின் கதாநாயகனும், தயாரிப்பாளருமான சரவணன் விட்டுக் கொடுத்தார் என கோலிவுட்டில் கிசுகிசுக்கிறார்கள்.

• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...
• 
  பிக் பாஸ் ஹிந்தி சீசன் 19ல் புதிய மாற்றங்கள்
• 
  77 லட்சம் மோசடி செய்ததாக நடிகை ஆலியா பட்டின் முன்னாள் பெண் உதவியாளர் கைது
• 
  டான் 3ம் பாகத்தில் இணைந்த கிர்த்தி சனோன்!

• 
  ‛கூலி' படத்திலிருந்து ‛மோனிகா' பாடல் வெளியீடு
• 
  கொடைக்கானல் மலை கிராமம் பின்னணியில் உருவாகும் 'கெவி'
• 
  மகிழ்ச்சியாக இருக்கிறேன், பேச்சு வரலை : விஜய்சேதுபதி மகன் உருக்கம்
• 
  காலில் செருப்பு அணியாமல் என்னை பக்குவப்படுத்திக் கொள்கிறேன் : விஜய் ...
• 
  ரஜினி ஒரு புத்திசாலி, கத்தியைப் போல கூர்மையானவர் : ஸ்ருதிஹாசன்