Dinamalar

முன்பதிவிலேயே 20 கோடி வசூலித்த 'டாக்டர் ஸ்ட்ரேன்ஜ்'

மார்வெல் ஸ்டுடியோஸின் அடுத்த வெளியீடான 'டாக்டர் ஸ்ட்ரேன்ஜ் - இன் த மல்டிவெர்ஸ் ஆப் மேட்னஸ்' படம் இந்த வாரம் மே 6ம் தேதி இந்தியாவில் ஹிந்தி, தமிழ், தெலுங்கு, கன்னடம், மலையாளம் ஆகிய மொழிகளில் வெளியாகிறது. வெளியாக இன்னும் சில நாட்கள் உள்ள நிலையில் அதற்குள்ளாகவே முன்பதிவு மூலமாக சுமார் 20 கோடி வரை இந்தியாவில் வசூலித்துள்ளது.

'ஸ்பைடர் மேன் - நோ வே ஹோம்' படத்தின் முன்பதிவு தொகையை இப்படம் கடந்துவிட்டதாம். படம் வெளிவருவதற்குள் மேலும் சில கோடிகள் முனபதிவு மூலம் கிடைக்கலாம் என்கிறார்கள். அடுத்த சில நாட்களுக்குள் கூடுதலாக 10 கோடி வரை முன்பதிவு மூலம் கிடைத்துவிடுமாம். கடந்த வருடம் வெளியான 'ஸ்பைர்மேன்' படத்திற்குப் பிறகு இந்த 'டாக்டர் ஸ்ட்ரேன்ஜ்' படத்தை மார்வெல் பெரிய அளவில் வெளியிடுகிறது.

2016ல் வெளிவந்த 'டாக்டர் ஸ்ட்ரேன்ஜ்' படத்தின் இரண்டாம் பாகமாக இப்படம் வெளிவருகிறது. சாம் ரைமி இயக்கியுள்ள இந்தப் படத்தில் டாக்டர் ஸ்ட்ரேன்ஜ் ஆக பெனடிக்ட் கம்பர்பாட்ச் நடிக்கிறார். இப்படம் அமெரிக்காவில் மட்டும் முதல் வாரத்தில் 200 மில்லியன் யுஎஸ் டாலர் வரை வசூலிக்கும் என்று எதிர்பார்க்கப்படுகிறது.

சர்ச்சைக்குரிய ஒரு 'எல்ஜிபிடி' கதாபாத்திரம் படத்தில் இருப்பதால் இப்படம் சவூதி அரேபியா, கத்தார், குவைத், எகிப்து ஆகிய நாடுகளில் வெளியிட தடை விதிக்கப்பட்டுள்ளது. சீனாவிலும் இப்படம் வெளியாவதில் அரசியல் ரீதியாக சிக்கல் ஏற்பட்டுள்ளது.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  ரெட்ரோ டிரைலர் : விதவிதமாய் 'குக்' செய்துள்ள கார்த்திக் சுப்பராஜ்
• 
  அஜித் பிறந்த நாளில் 'வீரம்' மறு வெளியீடு
• 
  உடல்நலக்குறைவு எதனால் ஏற்பட்டது : ஏ.ஆர்.ரஹ்மான் வெளியிட்ட தகவல்
• 
  'மணி ஹெய்ஸ்ட்' பாதிப்பில் உருவானது கேங்கர்ஸ்: சுந்தர்.சி
• 
  பிளாஷ்பேக்: 100 படங்களுக்கு மேல் குழந்தை நட்சத்திரமாக நடித்த சுலக்ஷனா