சிறப்பு பூஜைகள் செய்து அமைச்சராகப் பதவியேற்ற ரோஜா

13 ஏப், 2022 - 06:25 IST

0 கருத்துகள் கருத்தைப் பதிவு செய்ய

எழுத்தின் அளவு:

தமிழ், தெலுங்கில் முன்னணி கதாநாயகிகளில் ஒருவராக இருந்தவர் நடிகை ரோஜா. இரண்டு மொழிகளிலும் பல முன்னணி நடிகர்கள் ஜோடியாக பல வெற்றிப் படங்களில் நடித்துள்ளார்.

1999ம் ஆண்டு முதலே அரசியலில் தீவிரமாக இயங்கி வருகிறார். முதலில் தெலுங்கு தேசம் கட்சியில் இணைந்து தெலுங்கு மகிளா தலைவியாகப் பதவி வகித்தார். அதன்பின் 2009ம் ஆண்டு ஆந்திர சட்டசபை தேர்தலில் போட்டியிட்டு தோல்வியடைந்தார். பின்னர் அக்கட்சியை விட்டு விலகி ஒய்எஸ்ஆர் காங்கிரஸ் கட்சியில் சேர்ந்தார். 2014ம் ஆண்டு நடைபெற்ற சட்டசபை தேர்தலில் நகரி தொகுதியில் போட்டியிட்டு வெற்றி பெற்று எம்எல்ஏ ஆனார். அதன் பிறகு 2019ம் ஆண்டு மீண்டும் போட்டியிட்டு எம்எல்ஏ ஆனார்.

தேர்தலில் வெற்றி பெற்ற பின் ஜெகன்மோகன் ரெட்டி தலைமையில் ஆட்சி அமைந்த போது ரோஜா அமைச்சர் ஆவார் என்று சொன்னார்கள். ஆனால், ரோஜாவை ஆந்திர மாநில தொழில்துறை உள்கட்டமைப்பு கழகத் தலைவராக நியமிக்கப்பட்டார். சமீபத்தில் ஆந்திர மாநில அமைச்சரவையில் மாற்றம் செய்யப்பட்டது. ரோஜாவை ஆந்திர மாநில சுற்றுலாத் துறை அமைச்சராக நியமனம் செய்தார் முதல்வர். அமைச்சராகப் பதவி ஏற்றுக் கொண்ட ரோஜா இன்று தன்னுடைய அலுலவகத்திற்குச் சென்று பொறுப்பேற்றுக் கொண்டார்.

“சுற்றுலா மந்திரியாக பொறுப்பேற்றுக் கொண்டேன். அலுவலகத்தில் சிறப்பு பூஜைகளைச் செய்து பொறுப்புகளை ஏற்றேன்,” எனப் பதிவிட்டுள்ளார். அப்போது அவரது கணவரும் திரைப்பட இயக்குனருமான ஆர்கே செல்வமணி, ரோஜாவின் மகன், மகள் ஆகியோர் இருந்தனர். முன்னதாக தனது குடும்பத்தினருடன் சென்று முதல்வர் ஜெகன் மோகன் ரெட்டியைச் சந்தித்து நன்றி தெரிவித்தார்.

Rojaselvamani

கருத்துகள் (0) கருத்தைப் பதிவு செய்ய

கார்த்தி - சிவகார்த்திகேயன் படங்கள் ...

'ரவுடி' ராக்கிக்கு வழி விடும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய