Dinamalar

முன்பதிவில் 'ஆர்ஆர்ஆர்'ஐ முந்தும் 'கேஜிஎப் 2'

தென்னிந்தியத் திரையுலகத்திலிருந்து அடுத்தடுத்து இரண்டு பிரம்மாண்டப் படங்கள் இந்தித் திரையுலகத்தை மிரள வைக்கின்றன. ராஜமவுலி இயக்கத்தில் ஜுனியர் என்டிஆர், ராம்சரண் மற்றும் பலர் நடித்து கடந்த மாதம் வெளிவந்த 'ஆர்ஆர்ஆர்' படம் ஹிந்தியில் 200 கோடியையும் உலக அளவில் 1000 கோடி வசூலையும் கடந்துள்ளது.

அதற்கடுத்து அடுத்த வாரம் ஏப்ரல் 14ம் தேதி பிரசாந்த் நீல் இயக்கத்தில் யஷ் நாயகனாக நடித்துள்ள 'கேஜிஎப் சாப்டர் 2' படம் வெளியாக உள்ளது. இந்தப் படத்திற்கான முன்பதிவு இந்திய மல்டிபிளக்ஸ் தியேட்டர்களில் புதிய சாதனையைப் படைத்துள்ளதாக பாலிவுட் தகவல்கள் தெரிவிக்கின்றன.

கடந்த மூன்று வருடங்களில் மிகச் சிறப்பான முன்பதிவு இது என சொல்கிறார்கள். மேலும் 'ஆர்ஆர்ஆர்' படம் முன்பதிவில் படைத்த சாதனையை சில மணி நேரங்களிலேயே 'கேஜிஎப் 2' முறியடித்துவிட்டதாம்.

இதுவரையில் 'பாகுபலி 2' படம் தான் முன்பதிவின் மூலமாக மட்டுமே 35 கோடி ரூபாய் வசூலைப் பெற்று முதலிடத்தில் உள்ளது. இந்த சாதனையை 'ஆர்ஆர்ஆர்' படம் கூட முறியடிக்கவில்லை. 'கேஜிஎப் 2' படத்தில் ஹிந்தி நடிகரான சஞ்சதய் தத், ஹிந்தி நடிகையான ரவீனா டாண்டன் ஆகியோர் நடித்திருப்பது கூடுதல் பலமாகப் பார்க்கப்படுகிறது.

'கேஜிஎப் 2' படத்தின் முதல் நாள் வசூல் மிக அதிகமாக இருக்கும் என பாலிவுட் வட்டாரங்களில் எதிர்பார்க்கிறார்கள்.

• 
  நான் இன்னமும் என்னை ஒரு நடிகராகவே கருதுகிறேன் : அமீர்கான்
• 
  தேனீ வாயில் புகுந்ததால் கரிஷ்மா முன்னாள் கணவர் மரணம்?
• 
  இரண்டு மனைவிகளுடன் விவகாரத்து : வெளிப்படையாகப் பேசிய அமீர்கான்
• 
  கரிஷ்மா கபூர் முன்னாள் கணவர் திடீர் மரணம்
• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'

• 
  நேரடியாக ஓடிடியில் வெளியாகும் கீர்த்தி சுரேஷ் படம்
• 
  22 ஆண்டு காத்திருப்பு : விஷ்ணு மஞ்சு நெகிழ்ச்சி
• 
  யாருக்கு யார் வில்லன்? மோகன்லால் மோகன்பாபு போட்டாபோட்டி
• 
  லண்டனில் கங்குலியுடன் சந்திப்பு ; பிரமித்து விலகாத நவ்யா நாயர்
• 
  'தி ராஜா சாப்' டீசர் : ஹிந்தி, தெலுங்கு பார்வைகளில் போட்டி