Dinamalar

வித்யாவுக்கு திருமணம்: மலையாள நடிகரை மணக்கிறார்

சமீபத்தில் வெளிவந்த அகிலன் படத்தில் நடித்தவர் வித்யா. அதற்கு முன் ஆறாவது வனம், காதல் பாதை உள்பட சில படங்களில் நடித்தார். மலையாளத்தில் 10க்கும் மேற்பட்ட படங்களில் நடித்துள்ளார். வித்யாவுக்கு திருமணம் நடக்க இருக்கிறது. மலையாளத்தில் குணசித்திர வேடங்களில் நடித்து வரும் வினுமோகன் என்பவருக்கும் வித்யாவுக்கும் திருமணம் நிச்சயிக்கப்பட்டு நிச்சயதார்த்தம் நடந்தது. இதில் உறவினர்கள், நண்பர்கள் மட்டுமே கலந்து கொண்டனர். வருகிற மே மாதம் 19ந் தேதி கோட்டையத்தில் இவர்கள் திருமணம் நடக்கிறது. இதில் மலையாளத் திரையுலகினர் கலந்து கொள்கிறார்கள்.

இதுகுறித்து வித்யா கூறும்போது: வினுவுடன் நான் சில படங்களில் நடித்திருந்தபோதும் எங்களுக்குள் காதல் எதுவும் இல்லை. இது பெற்றோர்கள் பார்த்து முடிவு செய்த திருமணம். வினுவைப் பற்றி ஏற்கெனவே தெரியும் என்பதால் உடனே சம்மதித்தேன். திருமணத்துக்கு பிறகும் தொடர்ந்து நடிப்பேன். என்றார்

• செய்திகள்