Dinamalar

கல்யாண கோலத்தில் செந்தில் - ராஜலெட்சுமி : போட்டோஷூட் வைரல்

விஜய் டிவியின் சூப்பர் சிங்கர் நிகழ்ச்சியில் ஜோடியாக அறிமுகமாகி டைட்டிலை வென்றவர்கள் செந்தில் கணேஷ் - ராஜலெட்சுமி. தற்போது திரைப்படங்களில் பின்னணி பாடகர்களாக வலம் வருகின்றனர். அதிலும், ராஜலெட்சுமி புஷ்பா படத்தில் பாடிய சாமி சாமி பாடல் உலக அளவில் வைரலாக ஒலித்து வருகிறது. இதற்கிடையில் செந்தில் கணேஷ் ஒரு படத்தில் ஹீரோவாக நடித்திருந்தார். ஆனால், அந்த படம் வெற்றி பெறவில்லை. அதேசமயம் கணவன் மனைவி இருவருமே தற்போது சில விளம்பர படங்களில் நடிக்க ஆரம்பித்துள்ளனர். அதுமட்டுமில்லாமல் சமீபத்தில் ஹிட் சீரியல் ஒன்றில் சிறப்பு தோற்றத்திலும் நடித்திருந்தனர்.

பாடகர்களாக திரையில் அறிமுகமானவர்கள் தற்போது இருவரும் நடிப்பில் கவனம் செலுத்தி வரும் நிலையில், போட்டோஷூட்டிலும் ஆர்வம் காட்ட ஆரம்பித்துள்ளனர். அந்த வகையில் செந்தில் மற்றும் ராஜலெட்சுமி கல்யாண கோலத்தில் அசத்தலான போட்டோஷூட் ஒன்றை நடத்தி அதன் புகைப்படங்களை சமூகவலைதளத்தில் பகிர்ந்துள்ளனர்.

காதலர் தினத்தை முன்னிட்டு வெளியான இந்த புகைப்படங்களுக்கு ரசிகர்கள் வாழ்த்துகளையும் லைக்ஸ்களையும் அள்ளி குவித்து வருகின்றனர். மேலும், போட்டோக்களுக்கு அவர்கள் கொடுத்துள்ள கேப்ஷன்களும் இருவருக்குமிடையேயான காதலை பிரதிபலிப்பதாக பலரும் கருத்து தெரிவித்து வருகின்றனர்.

• 
  அசாம் நடிகர் தமிழ்நாட்டில் பலி
• 
  தங்கப்பதக்கத்தை சோனுசூட்டுக்கு சமர்ப்பணம் செய்த கராத்தே வீராங்கனை
• 
  பாலிவுட் கவர்ச்சி நடிகைக்கு கொலை மிரட்டல்
• 
  பாலிவுட் நடிகைக்கு கொலை மிரட்டல்
• 
  இந்தியாவின் மிஸ்டர்.கிளீன் : சினிமா ஆகிறது வாஜ்பாய் வாழ்க்கை

• 
  சினிமாவில் ஹீரோவான சுந்தரி சீரியல் நடிகர்
• 
  சித்தாள் கெட்டப்பில் காவ்யா அறிவுமணி!
• 
  அமீருக்கு வாட்ச் பரிசளித்த பாவ்னி ரெட்டியின் அக்கா
• 
  பாண்டியன் ஸ்டோர்ஸ் ஜீவாவை கலாய்க்கும் நெட்டிசன்கள்
• 
  பாசமலர், காதலன், மாநாடு - ஞாயிறு திரைப்படங்கள்