Dinamalar

ரத்த தானம் செய்பவர்களுக்காகப் பாடுவேன் -- ஆண்ட்ரியா

சினிமா நட்சத்திரங்கள் பலரும் பலவிதமான சமூக சேவைகளைச் செய்து வருகிறார்கள். நடிகர்கள், நடிகைகளின் பிறந்தநாளில் அவர்களது ரசிகர்கள் ரத்த தானம் செய்வது பல வருடங்களாக நடந்து வருகிறது. அவ்வப்போது நடிகர்களும், நடிகைகளும் அவர்களுடைய ரசிகர்களை தொடர்ந்து சமூக சேவை செய்ய உற்சாகப்படுத்தியும் வருகிறார்கள்.

அந்த விதத்தில் நடிகை ஆண்ட்ரியா ரசிகர்களை ரத்த தானம் செய்ய வேண்டு கோள் விடுத்துள்ளார். இது குறித்து சமூகவலைதளத்தில், “இன்று நல்ல செயல் ஒன்று செய்தேன், அது ரத்த தானம். இது சில காலமாகவே என் மனதில் இருந்தது. அதை செய்தேன். முதலில் உங்களது ரத்த அழுத்தம், ஹீமோகுளோபின் லெவல் ஆகியவற்றை சோதித்து நீங்கள் ரத்த தானம் செய்யத் தகுதியுள்ளவரா என்று முதலில் பரிசோதிப்பார்கள். பொறுப்பு துறப்பு - 80 சதவீத இளம் பெண்கள் ரத்த தானம் செய்யத் தகுயற்றவர்களாகவே இருக்கிறார்கள். குறைந்த ரத்த அழுத்தம், குறைவான ஹீமோகுளோபின் லெல் ஆகியவையே இதற்குக் காரணம். (இதற்கு முன்பு நான் ரத்த தானம் செய்ய நினைத்த போது இது எனக்கு நடந்தது).

இது என்னை இங்குள்ள அழகான அனைத்து நண்பர்களிடமும் கொண்டு செல்கிறது, நீங்கள் உண்மையான ஹீரோவாக வேண்டுமா ?. ரத்த தானம் செய்து யாரோ ஒருவரது வாழ்க்கையைக் காப்பாற்றுங்கள். டாக்டர்களுக்காக நான் ஒரு பாடலைப் பாடியது போல, யாரெல்லாம் ரத்த தானம் செய்கிறீர்களோ அவர்களுக்காகப் பாடுவேன், நீங்கள் என்னை 'டேக்' செய்யுங்கள்,” என்று பதிவிட்டுள்ளார்.

மேலும், ரத்த தானம் செய்த புகைப்படங்களையும் பதிவிட்டு, டாக்டர்களுக்காகப் பாடிய வீடியோவையும் வெளியிட்டுள்ளார்.

• 
  நடிகர் பிரித்விராஜின் தார்யா ஹிந்தி படப்பிடிப்பு நிறைவு
• 
  புகையிலை விளம்பரத்திற்கு ரூ.40 கோடி: தைரியமாக மறுத்த சுனில் ஷெட்டி
• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்

• 
  2026 கோடை விடுமுறையில் திரைக்கு வரும் விஷாலின் 'மகுடம்'!
• 
  காதலருடன் பிரேக்ப்பா? வதந்திக்கு முற்றுப்புள்ளி வைத்த பிரியா பவானி ...
• 
  அருள் நிதியின் 'டிமான்டி காலனி -3' படத்தின் போஸ்டர் வெளியானது!
• 
  வித் லவ் படத்தின் ரிலீஸ் தேதி அறிவிப்பு
• 
  புத்தாண்டு பிறந்தாச்சு..... ஓடிடியில் புதுப்படங்களும் வரிசை கட்ட ...