Dinamalar

குழந்தை பிறப்பு ஒரு கொண்டாட்டம் என்கிறார் காஜல் அகர்வால் ; உடல் கேலிக்கும் பதிலடி

நடிகை காஜல் அகர்வால் கர்ப்பமாக உள்ளார். தற்போது துபாயில் ஓய்வெடுத்து வரும் அவர் கர்ப்பமாக உள்ள அவரின் சில படங்களை சமூக ஊடகத்தில் பகிர்ந்தார். இந்நிலையில் கர்ப்ப காலத்தில் பெண்கள் எந்த மாதிரியான பிரச்னைகளை சந்திக்கிறார்கள், உடல் கேலி உள்ளிட்டவை குறித்து ஒரு அறிக்கை வெளியிட்டுள்ளார்.

அதில், ‛‛கர்ப்ப காலத்தில் நம் உடல் எடை அதிகரிப்பு உள்ளிட்ட பல மாற்றம் ஏற்படுகிறது. குழந்தை வளரும் போது, நம் வயிறு மற்றும் மார்பகங்கள் பெரிதாகி, நம் உடல் பாலுாட்ட தயாராகிறது. சிலருக்கு ஸ்ட்ரெச் மார்க்ஸ் வரலாம். நம் வாழ்வின் மிக அழகான, விலைமதிப்பற்ற கட்டத்தில் நாம் சங்கடமாகவோ அல்லது அழுத்தமாகவோ இருக்க வேண்டிய அவசியமில்லை.

பிரசவத்திற்குப் பிறகு நாம் முன்பு இருந்த அழகை திரும்பப் பெற சிறிது காலம் ஆகலாம் அல்லது பழைய உருவத்தை திரும்ப பெற முடியாமலும் போகலாம். இந்த மாற்றங்கள் இயற்கையானவை. உங்கள் உணர்வுகளை வெளிப்படுத்துங்கள். உங்கள் கணவர், குடும்பத்தினர் அல்லது நண்பர்களுடன் பேசுங்கள். உங்கள் உணர்வுகளை அடைத்து வைத்திருப்பது உங்களை மோசமாக உணர வைக்கும். லேசான நீச்சல் அல்லது நடைபயிற்சி உங்கள் மனதைத் தெளிவுபடுத்த உதவும்.

குழந்தை பிறக்கும் முழு செயல்முறையும், நாம் அனுபவிக்கும் பாக்கியம் கொண்ட ஒரு கொண்டாட்டம் என்பதை நாம் நினைவில் கொள்ள வேண்டும். என்னுடன் சேர்ந்து இந்த அற்புதமான கட்டத்தில் இருப்பவர்களுக்கு இந்தப் பதிவு உதவும் என நம்புகிறேன். என் அன்பை உங்களுக்கு அனுப்புகிறேன்.

இவ்வாறு உணர்ச்சியோடு கூறியுள்ளார்.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  'கனிமா'வைத் தொடர்ந்து 'ஜிங்குச்சா' : மீண்டும் ஒரு திருமணப் பாடல்
• 
  'பெத்தி' படத்தில் இணைகிறாரா காஜல் அகர்வால்?
• 
  'கூலி' படத்தில் நடித்துள்ள 'குட் பேட் அக்லி' பிரபலம்!
• 
  ரெட்ரோ படத்தின் தணிக்கை மற்றும் நீளம் குறித்து தகவல் இதோ!
• 
  ஆன் ஸ்க்ரீன் என்னோட குரு கமல்ஹாசன் - சிலம்பரசன் பேச்சு