பார்த்திபன் படத்திற்கு இசையமைக்கும் இளையராஜா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

09 பிப், 2022 - 04:21 IST

எழுத்தின் அளவு:

2019ஆம் ஆண்டு பார்த்திபன் இயக்கி நடித்த படம் ஒத்த செருப்பு சைஸ் 7. இந்தப்படத்தில் அவர் ஒருவர் மட்டுமே படம் முழுக்க நடித்திருந்தார். இப்படத்துக்கு தேசிய விருது கிடைத்தது. அதையடுத்து இரவின் நிழல் என்ற படத்தை ஒரே ஷாட்டில் இயக்கி இருக்கிறார் பார்த்திபன். இந்த படத்திற்கு ஏ .ஆர். ரகுமான் இசையமைத்துள்ளார்.

இதற்கிடையே தமிழில் தான் இயக்கி நடித்த ஒத்த செருப்பு சைஸ் 7 படத்தை ஹிந்தியில் அபிஷேக் பச்சனை வைத்து ரீமேக் செய்திருக்கும் பார்த்திபன், இந்த படத்திற்கு இளையராஜா இசையமைப்பதாக தெரிவித்துள்ளார். கடந்த 1999ஆம் ஆண்டு பார்த்திபன் இயக்கி நடித்த ஹவுஸ் புல் படத்திற்கு பிறகு 23 ஆண்டுகள் கழித்து தற்போது மீண்டும் பார்த்திபன் படத்திற்கு இளையராஜா இசையமைக்கிறார். மேலும் அந்த படத்திற்கு இளையராஜா இசையமைக்கும் ஒரு வீடியோவையும் வெளியிட்டுள்ளார் பார்த்திபன்.

அதன் உடன், ‛‛ஹிந்தியின் பின்னணி இசைக்கோர்ப்பில், மறுபுறம் ஏ.ஆர்.ஆர்-ரின் இரவின் நிழல். இசைபட வாழ்தல் அர்த்தப்பட. புகழ் பெற்று பொருள் ஈட்டாமல் இன்னும் பெற உழைப்பின் பெருமை காண்கிறேன். ஆஸ்கார் நாமினேஷன்ஸ் அறிவித்தபோது உச்சரிக்கப்பட்ட பெயர்களின் உச்சபட்ச உற்சாகம் ரூபாய், டாலர், பவுண்ட்டில் அடங்காது'' என்று பதிவிட்டிருக்கிறார் பார்த்திபன்.

Ilayaraja

Parthiban

கருத்துகள் (0) கருத்தைப் பதிவு செய்ய

35 கிலோ வெயிட் குறைத்த இசையமைப்பாளர் ...

வடிவேலுவுடன் இணைந்த பிரபுதேவா

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய