வலிமை, பீஸ்ட் - அடுத்தடுத்து வெளியாகுமா?

20 ஜன, 2022 - 03:19 IST

0 கருத்துகள் கருத்தைப் பதிவு செய்ய

எழுத்தின் அளவு:

தமிழ் சினிமாவில் இன்றைய இளைஞர்களிடம் அதிக வரவேற்பைப் பெற்றுள்ள நடிகர்கள் விஜய், அஜித் முதல் இரண்டு இடத்தில் இருப்பவர்கள். இருவரது ரசிகர்களுக்குள்ளும்தான் சமூக வலைத்தளங்களில் அடிக்கடி சண்டை நடக்கும்.

இருவரது படங்களும் ஒரே நாளில் வெளியாகி 8 வருடங்களாகிவிட்டது. 2014ம் ஆண்டு பொங்கலை முன்னிட்டு ஜனவரி 10ம் தேதி விஜய் நடித்த 'ஜில்லா', அஜித் நடித்த 'வீரம்' ஆகிய படங்கள் வெளிவந்தன. இரண்டுமே சுமாரான வெற்றியைத்தான் பெற்றன. அதற்குப் பிறகு இருவரது படங்களும் மோதிக் கொள்ளவில்லை.

அஜித் நடித்த 'வலிமை' படம் கடந்த வாரம் பொங்கலை முன்னிட்டு வெளியாக வேண்டியது. ஆனால், கொரோனா அலை காரணமாக வெளியீடு தள்ளி வைக்கப்பட்டது. இதனிடையே, விஜய் நடித்துள்ள 'பீஸ்ட்' படத்தின் படப்பிடிப்பும் முடிந்து இறுதிக்கட்டப் பணிகள் நடந்து வருகிறது. 'பீஸ்ட்' படம் ஏப்ரல் மாத வெளியீடு என திட்டமிடப்பட்டுத்தான் வேலைகள் நடந்து வந்தது. 'வலிமை' படத்தின் அடுத்த வெளியீட்டுத் தேதி எப்போது என்பது இன்னும் உறுதி செய்யப்படவில்லை.

இந்த கொரோனா அலைக்குத் தியேட்டர்கள் 50 சதவீத இருக்கை அனுமதியுடன் திறக்கப்பட்டிருந்தாலும் மக்கள் தியேட்டர்கள் பக்கம் மிக மிகக் குறைந்த அளவில்தான் வருகிறார்கள். மக்களை மீண்டும் வரவழைக்க 'வலிமை, பீஸ்ட்' ஆகிய படங்கள் அடுத்தடுத்து வெளியாக வேண்டும், அல்லது ஒரே நாளில் வெளியாக வேண்டும் என திரையுலகில் சிலர் எதிர்பார்க்கிறார்கள்.

கடந்த வருட அலையின் போது 'மாஸ்டர்' படம் வெளிவந்துதான் திரையுலகத்தை மீட்டுக் கொடுத்தது. இந்த வருட அலைக்குப் பிறகு 'வலிமை, பீஸ்ட்' வந்துதான் திரையுலகை மீட்கும் என திரையுலகினர் எதிர்பார்ப்பது சரியானதுதான். ஆனால், இரண்டு தயாரிப்பாளர்களும் ஒரே நாளில் படத்தை வெளியிடுவார்களா என்பது சந்தேகம்தான். அடுத்தடுத்து வந்தால் கூட நன்றாகத்தான் இருக்கும், பொறுத்திருந்து பார்ப்போம்.

Valimai

Beast

Release

வலிமை

பீஸ்ட்

கருத்துகள் (0) கருத்தைப் பதிவு செய்ய

காஜல் அகர்வால் கர்ப்பம்: கைவிட்டு ...

சந்தானத்தின் ஏஜென்ட் கண்ணாயிரம் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய