பாட்டு பாடி, பழைய நினைவுகளை பகிர்ந்து பாரதிராஜாவை தேற்றிய கங்கை அமரன் | பெண் குழந்தைக்கு தந்தையான ரெடின் கிங்ஸ்லி | துருவ நட்சத்திரம் : காத்திருக்கும் விக்ரம் | 25 வயதில் மகன் இருக்கையில் தந்தையாக நடிக்க தயங்கும் ஹீரோக்கள் : சசிகுமார் ஆதங்கம் | அருண் விஜய் படத்திற்கு பாடல் பாடிய தனுஷ் | அமெரிக்காவில் ஏப்., 9ல் குட் பேட் அக்லி பிரீமியர் காட்சி | முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி தியோல் | அண்ணன் கடனை என்னால் அடைக்க முடியாது: கோர்டில் நடிகர் பிரபு தகவல் | பிளாஷ்பேக்: சமகாலத்தில் எடுக்கப்பட்டு சாதனையையும், வேதனையையும் சந்தித்த இரண்டு “ஞானசௌந்தரி”கள் | 'ரெட்ரோ' டப்பிங் பணிகளை நிறைவு செய்த சூர்யா |
2021ம் ஆண்டின் கடைசி இரண்டு வாரங்களே பாக்கி உள்ளன. இன்று டிசம்பர் 23ம் தேதி 'ராக்கி' திரைப்படமும், டிசம்பர் 24ம் தேதி 'ரைட்டர், ஆனந்தம் விளையாடும் வீடு, தள்ளிப் போகாதே, துனேரி' ஆகிய படங்கள் வெளியாக உள்ளதாக அறிவிக்கப்பட்டுள்ளன. இவற்றில் எதிர்பார்ப்பை ஏற்படுத்தியுள்ள படங்களாக 'ரைட்டர், ராக்கி' ஆகிய இரண்டு படங்கள்தான் உள்ளதாக கோலிவுட் வட்டாரங்களில் தெரிவிக்கிறார்கள்.
'தள்ளிப் போகாதே, ஆனந்தம் விளையாடும் வீடு' ஆகிய இரண்டு படங்களும் வெளியாவது சமூக வலைத்தளங்களில் கூட அதிகம் பகிரப்படவில்லை. 'துனேரி' படம் சிறிய பட்ஜெட் படம், நடிகர்களும் புதுசு.
'ரைட்டர்' படத்தை பா.ரஞ்சித் தயாரிப்பதும், சமுத்திரக்கனி நடித்திருப்பதும், இந்தப் படத்தின் டிரைலர் ஏற்கெனவே எதிர்பார்ப்பை ஏற்படுத்தியிருப்பதும் ரசிகர்களிடம் தெரிந்துள்ளது. இப்படத்தைப் பார்த்த சினிமா பிரபலங்களும் பாராட்டியுள்ளார்கள்.
'ராக்கி' படத்தை விக்னேஷ் சிவன், நயன்தாரா வெளியிடுவதால் இப்படம் பற்றியும் ரசிகர்களுக்கத் தெரிந்திருக்கிறது. இப்படத்தின் டிரைலரும் எதிர்பார்ப்பை ஏற்படுத்தியுள்ளது.
விமர்சன ரீதியாக 'ரைட்டர், ராக்கி' படங்கள் வரவேற்பைப் பெறும் என எதிர்பார்ப்பு எழுந்துள்ளது. அதை மீறி குடும்பக் கதையான 'ஆனந்தம் விளையாடும் வீடு', காதல் கதையான 'தள்ளிப் போகாதே' படங்கள் வரவேற்பைப் பெறுமா என்பது அடுத்த சில நாட்களில் தெரிந்துவிடும்.